كثيرا ما نسمع فى اول سنوات الزواج كلمات تهدم الزواج وعباره تتردد الالاف المرات من الزوج او الزوجه وهى ” كنت متخيل , كنت متخيلة “حقا كنت متخيل الجواز كده . هى الكلمه التى تسببت فى هدم بيوت وخراب علاقات كتير .
كلمات تهدم الزواج كنت متخيل الجواز كده
الزوج :
– مكنتش متخيل انك نكديه كده
-مكنتش متخيل انك لا تستطيعى حمل مسئوليه بيت بالشكل ده
– مكنتش متخيل انك مسرفه بالشكل ده
الزوجه:
– مكنتش متخيلة انك عصبى اوى كده
– مكنتش متخيله انك بخيل للدرجادى
– مكنتش متخيله انك مسيطر للدرجه دى
جمله مشهوره يرددها الازواج والزوجات فى اول ايام زواج . وقد تكون بادرتها ظهرت فى الخطوبه لكن لم يكونوا متخيلين انها بهذا السوء .
اذن انها ظهرت فى الخطوبه . لكن التغاضى عنها . هو ما جعل الموضوع يزيد بعد الجواز .وقد يسبب للاسف هدم الجواز .
النجاح اول سنوات الزواج تحدى كبير وامتحان صعب قد يرسب فيه 50 % من الازواج .لذا نجد الطلاق اعلى نسبه فى اول سنوات الزواج .
وقد يكون السبب هو التسرع فى اتخاذ قرار الزواج. ولكن فجأه بعد الزواج يكتشف كل شخص انه غير مناسب للطرف الاخر .
ولكم اسمعوا منى الكلام ده هيفرق معاكم جدا .
فى فرق كبير بين الخطوبه والجواز. عشان كده لازم نعرف شويه حقائق مهمه لا فصال فيها .
اولا: التغيير صعب وقد يكون مستحيل
من شب على شئ شاب عليه .فلا تظنى من تربى على شئ معين طوال مثلا 20 سنه سيتغير من هذا الامر فى يوم وليله. ولهذا ان ظهرت صفه لا تعجبك فى الشريك الاخر لا تظن انك تستطيع تغييرها بعد الزواج .فلا احد يتغير من اجل شخص اخر وعاده الطبع يغلب التتطبع.
كلمات تهدم الزواج ” كنت متخيل الجواز كده “
ثانيا: قرار التنازل والتضحيه
لو قررت تضحى مثلا بالماديات فى سبيل رجل مسئول .فلا تضجرى من ظروفه الماديه بعد الزواج.فهذا امر كنتى تعلميه تماما .وقبلتى بيه .فلماذا التناقض والتغيير ؟ ولهذا كونى واضحه فى قرارك يا اما اقبل طول العمر يا اما ارفض تماما .ولا توافقى وفى منتصف الطريق تشعرى بالتضحيه وتتوقفى .
ثالثا: المشاكل امر عادى
مفيش جواز من غير مشاكل .لكن لازم نتعلم ازاى نتعامل مع المشاكل دى .وازاى تبقى خطوة لتقدمنا وفهم بعض بطريقه افضل .
رابعا: سلاح الاطفال
لو فى اطفال بلاش يبقوا هما الضحيه ونقطه الضغط على الشريك الاخر .اطفالكوا ملهمش ذنب فى حياتكم الملغبطه .اولادنا نعمه باش نحولها ورقه يلعب بيها الاقوى .
خامسا: كن قد القرار
خدت قرار يبقى تكون قده للنهايه. مش مع اول مشكله تقرر ان تكره شريكك وتبعده تماما عن حياتك .لكن اسعوا على الحفاظ على علاقتكما وبيتكم بكل جهدكم .
