تعرفي علي 10 خطوات لتكوني امراة قوية وطبعا مش قوة العضلات ابدا لاء قوة الذات وانك تبقى قادرة تواجهى وتستمرى وتنجحى ومتحتاجيش لحد كل ده هنعرفه فى عشر خطوات
تعرفي علي 10 خطوات لتكوني امراة قوية
1-الثقة فى الله
لازم تكونى واثقة فى ربنا انه قادر على كل شىء وان ربنا هيساعدك مدام نيتك صافية لله وتوكلت على الله واى حاجة عاوزة تحققيها لا تنتظرى من يحققها اسعى وتوكلى على الله وخلى عندك ثقة بالله
2-انتى مش اقل من الراجل
الست زى الراجل ليها مخ وبتعرف تفكر وكمان ساعات بتكون اذكى من الرجل وكفاية ان ربنا قال فى كتابه العزيز بسم الله الرحمن الرحيم ( ان كيدكن عظيم ) صدق الله العظيم (سورة يوسف ) خليكى واثقة فى نفسك ومهاراتك وانك مش اقل من حد الثقة بتدفع للنجاح بنسبة كبيرة جدا متخليش حد يقلل من شأنك ولا تخجلى انك ست خليكى فخورة انك ست وانك انتى اللى بتربى البنت والولد لحد ما يبقى راجل
3- قوى علاقتك بربنا
اعرفى انك مهما اخطأتى ربنا غفور رحيم قوى علاقتك بربنا وميهمكيش حد مدام ربنا راضى عننا نعمل اللى علينا وندى فروضنا ونتقى الله ومن يتقى الله يجعل له مخرجا ويرزقه من حيث لا يحتسب التقوى اتقى الله بصى لمستقبلك شوفى النعم اللى ربنا انعم بيها عليكى اولها الحواس الخمسة حتى لو محرومة من حاسة فيهم احمدى ربنا على نعمة الصحة وقوى علاقتك بربنا بالرضا ايضا ارضى بما قسمه الله لك
4- حبى لغيرك ما تحبى لنفسك
حبى الخير لغيرك واتمنى الخير لغيرك وبلاش تبصى لحد وتقولى ده عنده وانا لاء ولما تكون عندك فرصة انك تدى ادى بدون مقابل لوجه الله خليكى انتى الاحسن وابدأى بالخير وبلاش ( نفسنة البنات ) وغيرة وحسد ولوم عشان الحاجات دى للضعفاء مش للبنت القوية اللى واثقة فى نفسها
5-احلمى
ايوة احلمى ونفذى حلمك مهما كنت ام او زوجة او حتى جدة مش مهم مدام الحلم مش هيأذى حد او هيأذيكى وكمان لو هينفعك مثلا نفسك فى مشروع معين او نفسك تعملى حاجة فى بيتك عافرى لحد ما توصلى حتى لو سنك 70 سنة مدام فيكى نفس ربنا هيقدرك فى بنات وستات وزنهم زيادة ومش معاهم فلوس عملية ومعندهمش ارادة احلمى ان وزنك قليل وكمان حاولى تنفذى حلمك وتوكلى على الله وجربى مرة واتنين وعشرة لحد ما توصلى لحلمك مدام مشروع ومتنسيش تقرأى كتير جدا القراءة مفيدة جدا حتى لو مش معاكى شهادات هتنفعك فى حياتك وهتاخدى خبرات وهتبقى قوية بالقراءة ولا تنسى قراءة القرآن فهى الاهم ولو ورد صغير يوميا والاستغفار كثيرا
6-بلاش العند
متعنديش مع حد عشان تثبتى انك صح سيبى اللى بيتكلم يتكلم مدام انتى صح وبتعملى اللى ربنا امرك بيه ومش بتغلطى سيبى اللى يقول يقول ومتشغليش بالك باحوال الناس ولا رايهم عاملى ربنا خليكى ممنة باللى انتى شيفاه صح مدام لا يتعارض مع الدين او العادات والتقاليد
7- واجهى الصدمات
الضربة اللى متكسرنيش تقوينى مدام انا سليمة لازم اواجه الحياة مش كله حلو وورد وليفة فى مطبات ومشاكل لازم هتواجهيها فبلاش انك تمشى فى اتجاه واحد وتتخيلى انك هتبقى مرتاحة ول العمر استعدى لاى شىء وحاولى تبقى قوية امام اى مشكلة البكء او المرض او النوم او الهروب من المشكلة عمرها ما هتتحل كده حاولى تفكرى فى اكثر من حل وربنا باذن الله هيلهمك ارمى همومك على الله فهو حسبنا ونعم الوكيل
8- بلاش دور المضحى دائما
مش اى حاجة تضحى علشانه بلاش ول الوقت تيجى على نفسك خصوصا لو على حد مش يستاهل وكمان ممكن التضحية دى تعطى شعور للطرف الاخر انه حق مكتسب ولازم تفضلى كده مثلا الام بلاش كل حاجة فوق دماغها ومسؤليات البيت حملى مسؤليات لاولادك وزوجك خليهم يساعدوك متضيعيش صحتك وعمرك وخلاص المشاركة حلوة اوى وبتخلق جو من الحب والتعاون بلاش تضيعى وقتك كله كده لازم قراراتك تكون نابعة من جواكى مش عشان خاطر حد فمتعمليش حاجة على حساب سعادتك لمجرد انها تضحية او انتى مش مقتنعة بيها
9- حبى الاناقة والشياكة
الاناقة والشياكة مش فى ملابس الخروج بس لا وجوه البيت كمان اتعلمى تحبى نفسك وتكون عندك ثقة بنفسك مهما قال الاخرين خليكى نضيفة فى نفسك من بره وجوه ولبسك مهما كان بسيط خليه مهندم وانيك ممكن تبقى جلبية نضيفة ومكوية بس شكلها حلو وشعر متسرح وريحته حلوة مش عشان اى حد ولا عشان جوزك لاء عشان نفسك اكوى حجابك قبل الخروج اعملى ماسكات لبشرتك واهتمى بنفسك عشانك انتى اعرفى انك غالية اوى ومينفعش تهملى فى نفسك عشان حد ومتخليش دايرتك حول زوجك خليكى مقتنعة انك انسان جميلة ومن حقها انها تهتم بنفسها لانها انسانة
10- واخيرا ارجوكى بلاش مسلسلات تركى
اكيد استغربتى ايوة زى ما بقولك كده اصل دى مسلسلات بتعمل للست احباط لما تشوف الواقع المرير لان مفيش راجل حتى ولو تركى بيعامل مراته زى المسلسلات لانها قصص خيالية واووفر فاكرة حدوتة قبل النوم والشاطر حسن هى دى زيها بالضبط بس تطورت بقا واصبحت مسلسلات تركى وهندى ويابانى وووو نسيب الواقع المرير هههه قصدى الواقع المرير ونبص فى الحواديت دى بقا ونقارن ونقول ليه انا مش زيها وجوزى مش بيعاملنى كده
الخلاصة:
انتى بايدك تبقى قوية وبايدك تبقى ضعيفة ومتنسيش ان ضعف المرأة فى لحظات ذكاء امام الرجل بتكون قوة عشان تبقى انثى لكن لا تنتظرى من احد العطف والحب والحنان لانها الحياة فيها الحلو وفيها الوحش قوى نفسك بنفسك وقبل كل ده قربى من ربنا وثقى بنفسك لان محدش بينفع حد
