هنقدملك نصائح للجمال من مواد طبيعية عشان تبقى جميلة ومظهرك انيق ورائحتك جميلة بدون تكلفة كبيرة لانه كله من حاجات موجودة بالبيت
نصائح للجمال من مواد طبيعية نتائجها رائعة
– قشر الرمان جففيه كويس بالبلكونة ثم اطحنيه وضعى منه يوميا تحت الابطين لمدة اربع ايام بيجعل رائحة العرق تختفى لمدة شهر
– لما مزيل المكياج يخلص عندك متزعليش اعملى ماسك الزبادى فى دقائق معدودة بملعقة زبادى كبيرة هتنبهرى بالنتيجة نضافة وترطيب وتغذية للبشرة واشطفيه بعدها بماء فاتر هيزيل كل المكياج والاوساخ على البشرة
– لشفايف ردية ممكن نخلط مغلى الكركديه حوالى نصف فنجان صغير مع الفازلين ندهن بيه الشفايف لمدة اسبوع وممكن نستبدله بعصير رمان طبيعى مع فازلين او مهرس البنجر مع الفازلين بردوا
– لما تعضك ناموسة او ظهرت عندك حبة فى بشرتك وعندك خروجة سريعة ممكن تحطى عليه اى نوع قطرة ملطفة للعيون مثلا بروزالين او اى نوع
– قبل ما تحطى طلاء الاظافر المانكير ضعيه بالثلاجة نصف ساعة وبعدين ادهنى الاظافر هيدهن اسهل وكمان هينشف اسرع
– لازم تغيرى نوع الشامبو بتاعك كل اربع شهور لان شعرك لازم يتجدد عشان يستفيد ولو بتحبيى الشامبو ده ممكن ترجعيله تانى بعد شهر من تغيره
– لو عاوزة رجله تبقى ناعمة جدا اغسليها بالبلسم ضعيه على الارجل دقيقتين ثم اشطفيها و هتنبهرى من النعومة وكمان مش هتخلى الشراب النايلون يتقطع لانها ناعمة حرير
– شرش الجبنة او الماء الموجود حول الجبنة ضعيه فى زجاجة وادهنى وجهك بقطنة مبللة منه مرتين يوميا ثم اشطفيها بماء فاتر بعد 10 دقائق هيفتح البشرة ويزيل النمش والبقع ويرطب
– لكريم اساس بدون تشقق وثابت وتحفة زى كريم الاساس الغالى ابو ماركة غالية ضعى كريم الاساس فى كف ايدك وضعى عليه نفس كمية اللى بتستخدميها على وجهك اى نوع كريم مرطب واخلطيهم كويس بايدك ووزعيهم على الوجه هيفضل مدة اطول بدون تشقق او تكتل وهيديكى لمعة تحفة
نصائح للجمال من مواد طبيعية نتائجها رائعة
– وانتى قاعدة او واقفة او حتى نايمة دايما اشفطى بطنك وكل اما تفتكرى اشفطيها شهر ان شاء الله وهتلاقى بطنك عضلاتها بقت قوية وقلت خالص وممكن تختفى فى شهر بس داومى
– عشان يكون شعرك لامع بعد السيشوار فى اخر شطفة ضيفى لماء الشطف كوب شاى بارد هيدى لمعة خطيرة
– لتشقق الكعبين ادهنيهم بزبدة الكاكاو اللى بترطب الشفايف ادهنى رجلك بليل والبسى شراب عليها الصبح هتنبهرى من النعمة الفائقة
– لما تكون بتقعدى على الكمبيوتر كتير كل ساعة قومى واقعدى لمدة 5 دقائق ده بيحرق الشحوم و يقلل الارداف لو داومتى عليه يوميا
-يا رب اكون نفعتكم بهذه النصائح وان شاء الله لو عندك معلومات او خبرات تانية اتركيها بتعليق للاستفادة منها
