الخطوبة ليست فقط في التعبير عن المشاعر والاحاسيس الملتهبة تجاه الاخر بل هناك عشرة امور يجب فعلها في الخطوبة سنتعرف ماهي في هذا المقال .
عشرة امور يجب فعلها في الخطوبة
اولا: الوسطية
فلا تكونوا عمليين ازيد من الزوم وتعتمدوا على عقلكم بس فى كل حاجة وايضا لا تكون فترة الخطوبة رومانسية فقط لكن التوزان مطلوب لنجاح واستمرار العلاقة فلا تدع عقلك او قلبك ينتصر
ثانيا: لا تجاهد في اظهار الافضل
لا تجاهد لتظهر لشريكك بأنك أحسن واحد فى الدنيا لكن كن على طبيعتك حتى بعيوبك ولازم تظهر عيوبك قبل مميزاتك ويعرفها الشريك الاخر ليقرر هيقدر يكمل معاك ولا لا
ثالثا: الخلاف أمر صحي
فالخلاف من الامور الصحية ان حدثت فى فترة الخطوبة لانها تكشف طباع كل واحد وطريقة تفكيره وطريقة مواجهته للمشاكل والتعامل معاها
رابعا: معرفة العادات
لازم كل واحد يسعى انه يعرف عادات وتقاليد التاني لانها هتعرف كل واحد التاني بيتكلم ازاي وبيفهم ازاي وايه مرجعيته فى الصح والغلط .
خامسا: صاحب شريكك
قربوا من بعض واسعوا انكوا تكونوا اصحاب لبعض اكتر من خطيب وخطيبة لان التقرب للاخر واعتباره صديقك هكيشفلك حياته من جوه عاملة ازاي فخلوا فى هوايات مشتركة تمارسوها سوا او اهتمامات مشتركة
سادسا: لا تخدش الحياء
حافظ على شريكك ولا تحاول ان تخدش حيائه بكلمات تحت اسم ” حب وعاطفة ورومانسية ” فالتعبير عن الحب يمكنه ان يكون فى اطار الذوق والادب
سابعا: ادرس احتياجات شريكك
حاول تعرف ايه الاحتياجات النفسية لشريكك واسأل نفسك هل هتكون الشريك الصالح الذي سيستطيع تسديد تلك الاحتياجات؟
ثامنا: اسأل أستشير
يفضل ان لا يكتفي الخطيب والخطيبة بعلاقتهم بل يحاولوا التعمق فى القراءة والدراسة عن الزواج والحياة بعد الزواج والتعامل مع مشكلات الحياة فهي سلاح يضمن نجاح الحياة الزوجية او يمكن الذهاب الى خبير فى علاقات الاسرية
تاسعا: لا للمقارنات
بلاش نقارن علاقتنا بناس تانية فكل خطيبين لهم ظروفهم وبلاش نحاول نعيش صورة ناس تانية هى مش واقعنا .
عاشرا: التقرب من الاهل
لازم الخطيب يحاول التقرب لاهل زوجته والخطيبة ايضا لانهم هيكونوا اهلك كمان ولازم تعرف ايه اللى بيفرحهم ؟ وايه اللي بيضايقهم ؟
