نصائح لميزانية رمضان تسوقى بذكاء حتى لا تهدرى أموالك

رمضان على الابواب ومعظم السيدات بيشتروا حاجات كتير جدا بيتبقى منها بعد رمضان وطبعا الفلوس بتخلص والعيد يهل والميزانية تخرف هنقدملك نصائح لميزانية رمضان تسوقى بذكاء حتى لا تهدرى أموالك

نصائح لميزانية رمضان تسوقى بذكاء حتى لا تهدرى أموالك

نصائح جميلة للتحكم بميزانية رمضان

– اسألى نفسك هتعزمى حد السنة دى ولا لاء واكيد انت عارفة هتعزمى مين عشان تجيبى العزومة قبلها لانها ممكن تتغلى وتتدبسى فى الحاجات اللى اشتريتيها فاضمن لك اشترى حاجات العزومة قبل العزومة بيوم وعلى اد عدد الافراد وزودى طبق واحد بس للطوارى يعنى متعمليش كمية ارز كبيرة ومكرونة وعدد الافراد قليل اكيد هيترمى منه فليه نهدر الاكل

– لما تيجى تنزلى تتسوقى قبل التسوق اكتبى كل طلباتك فى ورقة وخدى فلوس على اد طلباتك وزيادة 20 او 50 جنيه بالكتير عشان ما تشتريش كل اللى يقابلك وتطلعى تدفعى فاتورة باهظة الثمن

– بعد ما تكتبى قائمة الطعام والطلبات اسألى نفسك ممكن نقللها شوية ونستفيد ونوفر ما هو رمضان وجبة الفطار زى وجبة الغداء بالعكس ده انتى بتوفرى وجبة من 3 وجبات ويقتصر الاكل على السحور والفطار فقط فالمفروض انك توفرى لانه شهر عبادة مش مارثون زيادة الوزن

نصائح لميزانية رمضان

– قبل التسوق شوفى الحاجات اللى ناقصة بالمطبخ ودونيها اول باول فى ورقة عشان تعرفى وعلقيهاعلى الثلاجة

– اشترى دقيق و اعملى معجنات بالبيت للسحور بدلا من شر اؤها جاهزة ومليئة بالدهون الضارة مثل الكرواسون والباتية ووفرى فلوسك وصحتك الثلاجة

– لا تجعلى العروض تجذبك فتدفعى كل الميزانية بها اشترى على اد احتياجتكم ولا تنسى انه شهر الاحساس بالفقير وليس شهر الاكل

– دونى كل قرش تم صرفه حتى تعرفى ما دفعتى وتلتزمى

– بالنسبة للسحور معظمنا بياكل فول على السحور كيلو الفول المدمس المستورد بيتراوح سعره ما بين 6 الى 8 جنيه هاتى 2 كيلو وقسميهم على 8 مرات

وقبل تقسيمهم اخلطى معهم 5 ملاعق ارز وملعقتين عدس اصفر وقسمى ال2 كيلو على 8 مرات وكل مرة انقعيه فى ماء لمدة 3 ساعات

ثم ضعيه على نار هادئة جدا هيستوى فى ساعتين ولو نقعتيه ليلة كاملة هيستوى اسرع وطعمه احلى وانضف بكتير وهتوفرى جدا

– الزبادى ممكن تعمليها فى البيت بدلا من شراؤها جاهزة هتقسمى الحليب نصفين نصف بارد تخلطى عليه علبة زبادى والنصف الاخر مغلى او ساخن

وتخلطيهم ببعض وتعبيهم باكواب وتكونى مسخنة الفرن ومطفى وتسبيهم بالفرن ليلة لحد ما يتماسكو وخلاص

– حاولى يكون السحور خفيف عشان زيادة الوزن

– بالنسبة للحلويات بلاش كل يوم كنافة وقطايف عشان الوزن وفلوسك كمان هاتى كل 3 ايام او يومين نصف كيلو كنافة

ونصف كيلو قطايف واعمليهم ويبقوا على 3 ايام مش كل يوم حلويات وعلى فكرة القطافية الواحدة بتعدة 400 سعر حرارى انا حذرتك بقا

– العصاير استبدليها بعصائر طبيعية واحنا على موقعنا وصفات الخروب والعناب والتمر وقمر الدين اتعلمى الطريقة واعمليهم بالبيت اوفر وانضف بكتير

– اشترى كيلو واحد جوز هند وكيلو زبيب و سودانى او مكسرات واخلطى نصف كمية الزبيب مع ط ربع كيلو جوز هند وسودانى للحشوات للحلو واذا حبيتى مكسرات بلاش تبذير كتير هاتى كمية صغير ة لان سعرها عالى وكله بيتأكل ومجرد يوصل الاكل للبلعوم الطعم بيروح

– تأكدى من تاريخ صلاحية المنتجات

لان معظم العروض بيبقى الصلاحية قربت تنتهى او باقى عليها شهر او شهرين خلى بالك

– لما تستلمى الفاتورة راجعيها واذا لاقيتى حاجة غالية ومش محتاجها اوى رجعيها قبل مغادرة المكان

– بلاش تروحى تشترى بالزحمة عشان تركزى فى طلباتك

نصائح لميزانية رمضان تسوقى بذكاء حتى لا تهدرى أموالك

– خلى بالك رمضان السنة دى ان شاء الله جاى نصه فى شهر والنص التانى فى شهر يعنى

ممكن تشترى احتيجات على اد نص الشهر ولما الشهر الميلادى شهر يوليو يهل ان شاء الله تقبضى المصروف

او الراتب تشترى منه احتيجات باقى شهر رمضان وحاجات العيد عشان ما تشتريش كل رمضان مرة واحدة

والميزانية تبوظ منك

– قارنى بين الاسعار وشوفى فرق الاسعار بلاش تشترى اول منتج يقابلك استنى لما تشوفى اسعار كل الماركات

وتقارنى

– الحاجات اللى عليها عرض زى الزبادى بلاش تشترى اكتر من 3 ايام عشان لا تفسد

– فيه سلعة بتكون غالية لمجرد انها مشهورة ممكن منتج يكون ارخص وافضل لان ممكن الشركة المشهورة تكون بتدفع ضرائب كتير لشهرتها وبتاخد الفرق من سعر المنتج

– ابدأى بشراء المهم فالاهم يعنى نشترى السكر والزيت والمكرونة والارز والزبدة او السمنة والصلصة واللحوم والدواجن وبعدين اذا اردت شراء احتياجات زيادة فيكون مما تبقى من الميزانية نشوف اتبقى اد ايه ونعمل حساب الطوارىء دواء او عزومة مفاجئة او خروجة مفاجئة وهكذا

– اقضى طلباتك

بمفرد حتى تركزى ولا يؤثر عليكى احد وتشترى مثله اختك او صديقتك او حتى جوزك

ممكن يخلوكى تشترى اكتر

– اسعي لاقتناء السلعة الأقل سعراً طالما أنها تفي بالغرض

– تابعي عروض التخفيضات من خلال مواقع المحال الكبرى، أو كتيب عروضها

– حفاظاً على ما تم شراءه احرصي على التخزين الجيد لها واستعمالها قبل انتهاء صلاحيتها

لذلك اشترى على اد احتياجاتك

– إذا كنتِ ممن يضعفون أثناء التسوق فارفقي ورقة احتياجاتك مع جارتك أو زوجك ولا تذهبى انت

– اذا احتاجتى شراء شىء غالى الثمن وتريدى قصه من الميزانية ففكرى جيدا هل تستطيعى تعويض عجز الميزانية ام لا

ارجو ان اكون قد افدتكم وكل سنة وانتم بالف خير

اللهم بلغنا رمضان