نصائح هامة لتجنب اهمال الزوجة الزوج بعد الانجاب

مشكلة اهمال الزوجة الزوج بعد الانجاب لإن الزوجة بمجرد انها تنجب طفلها الاول تتحول اهتماماتها بدلا من زوجها الى طفلها وتبدأ تقصر في حق زوجها . ولكن سوف نقدم نصائح هامة لتجنب اهمال الزوجة الزوج بعد الانجاب وهل هذا الاهمال يؤثر على علاقتها بزوجها؟ والى  اي مدى قد تصل المشاكل من وراء هذا الاهمال ؟ وكيف توازن الزوجة بين اهتمامها بطفلها وبين زوجها ؟ وكيف يساعدها زوجها على هذا لأنها ايضا ليس فقط تهمل في حق زوجها  ايضا تهمل حقها على نفسها وصحتها . سنجاوب على كل الأسئلة في هذا المقال .

نصائح هامة لتجنب اهمال الزوجة الزوج بعد الانجاب

المشكلة بتكون اكبر لو كان الحمل ده والولاده جم علطول بعد الجواز بيبقى الزوجين متهنوش ببعض واتلخموا علطول في مشاكل حمل ومسئوليه طفل جديد له احتياجات واجب تسديها .

وتبدأ فتره الحمل الزوجة شكلها يتغير وجسما يتغير وده كله بيأثر على العلاقة الزوجية بينهم لان متاعب الحمل قد تتطلب التوقف عن العلاقة الخاصة لبعض الوقت . ثم تلى فتره الحمل فتره الولادة وفتره النفاس . ويبدأ الزوجين في التباعد الكلى عن بعض حتى في مكان المعيشه

فقد تكون الزوجة تذهب الى والدتها وتقيم عندها عده اشهر . وتتواصل المشكلة في التفاهم ان الزوجين لا يستطيعوا تعويض كل هذا البعد والفتره اللي فاتت دى . وتنسى الزوجة زوجها انه محتاج منها حنان واهتمام ورعايه وحب . وتبدأ طريقه تفكيرها تتغير ويبقى طفلها الجديد هو أول واخر شيء في حياتها .

لكن نصيحه هامه في اذنك :

لازم ترجعى زى زمان قبل وجود اطفال . وحاولى توفقى بين كل اهتماماتك ومتكونش حاجه على حساب حاجه . وطبعا كتر خيرك ولازم الزوج يكون متفهم ده ويساعدك لأنك بتنسى نفسك كمان وسط مشغولياتك بالنونو الجديد .

ولازم يفهم الزوج ان اكيد مش بيكون قصد الزوجة انها تهمل فيك او تبعد عنك لكن الظروف هي اللي بتدوخها وبتفقد الزوجة السيطره على يومها لان نومها بيكون متقطع وتصحى على عياط النونو واحتياجاته من اكل وشرب وتغيير حفاض وعمل رضعات

لكن لازم الزوجين يتعلموا ان لكل فتره في استعداد زى ما في فتره الخطوبه استعدادات للزواج في بعد الزواج استعدادات للانجاب وازاى ان الولادة بالطبع امر متعب ومرهق للزوجة ومينفعش يتغاضى عن كده ويطلب منها انها تبذل مجهود مضاعف

لترضيه لان كده في ظلم ليها وعدم تقدير لتعبها وارهاقها ومعاناتها طول اليوم وسهرها مع الطفل الجديد . لكن ينفع بالحوار والتفاهم يقدروا يتجاوزوا المشكلة وينظموا يومهم ويستغلوا وقت نوم الطفل في الجلسه الحلوة معا والاستمتاع بعلاقتهم سوا .

وبلاش الاطفال تبعد بينكم لكن خلو الاطفال دى حاجه قربتكم اكتر من بعض لأنها ثمره محبتكم لبعض. فبلاش الزوجة تتلهى في الاطفال والبيت والزوج يتلهى في شغله ويبقى لكل واحد عالمه الخاص لان بكده بتبعدوا عن بعض خالص . لان لو سبنا المشاكل تكتر كل واحد هيعلق غلطه على الثاني . هي هتقول  ده مش حاسس بيا ولا فاهمنى.

وهو يقول ” ماهي اللي مش معبرانى ونسيتنى وبقى كل حاجه الاطفال” لكن بلاش نكبر المواضيع ونزود البعد بينا . فايوا فعلا هو جسمها بيتغير مع الحمل ومزاجها بيتغير ونفسيتها بتتأثر لكن غصب عنها ولازم تكون انت الدعم الاول ليها انها ترجع تهتم بنفسها وبصحتها وساعدها عمليا في كده .

ومفيش مانع تشيل عنها النونو شويه وتدخل هي تنام ساعتين تفرفش فيهم . واتاكدوا انها فتره وهتعدى . لكن ياما هتعدى وانتوا قريبين اكتر من الاول لبعض ياما هتعدى وانتوا كل واحد بقى في حته وبعدتوا عن بعض .