ليه دايما الستات تقيم حياتنا بسنها وتقول لا خلاص اصل انا كبرت على الكلام دة هو عيب اننا نكبر؟ لا طبعا بس مش صح ان نقيد حياتنا واستمتاعنا في الحياه بعمرنا لان الشباب شباب القلب مش شباب السن و الانوثة احساس عشان كدة هناقش فكرة سن الاربعين وحول سن اليأس ولماذا تشعر المرأة انها فقدت انوثتها ومبقاش ليها لزمة
الانوثة احساس مش سن مكتوب في البطاقة
” التغيرات البيولوجية التي تحدث في تلك المرحلة العمرية للمرأة “
ارهاق مستمر
توتر
كأبة
هبات ساخنة تشعر بها رغم اعتدال الجو حولها
قلة ثقة في النفس
زيادة في الوزن رغم تناولها نفس كميه الطعام السابق لان جسمها تقل قدرته على الحرق
اضطرابات في النوم فياما تستيقظ باكر جدا او تنام متأخر
تضائل الكتلة العضلية والقوه العامة
انخفاض مستوى الهرمونات مما تقل الرغبة الجنسية
” فتلك المرحلة هي مرحلة اقتراب انقطاع الدورة الشهرية “وليس انقطاع الحياة فلماذا نسميه سن اليأس
بل يجب ان ندعيه اسم اخر لان السيدة في تلك المرحلة تكون اكثر نضجا و خبراتها اكثر و انجازاتها اكثر التي حققتها في الحياة فيجب ان تشعر بالفخر
– المشكلة ان الست بتحصر دورها في الانجاب بس وده مش صح فعشان كده لما بتنقطع الدورة الشهرية بتحس ان ملهاش دور ودة غلط جدا فالخصوبة ليست دليل الانوثة
– فالانوثة احساس و حياة و طباع و ممارسة ومنها الخصوبة وايضا دور الأمومة والعلاقة الحميمية فهذا لا يعني لو اتلغت الخصوبة اتلغت الانوثة
فعيشي كل مرحله بحلاوتها لاخرها مثل مراحل الطفولة و المراهقة و الشباب هكذا يمكنك الاستمتاع بالحياه في كل مراحلها
وسن اليأس هو مرحلة جديدة فيها مزيد من الاستقرار ويمكنك الاستمتاع اكثر بالحياة والقرب من شريكك بعد ان يكون الاولاد اعتمدوا على نفسهم وكبروا
وده سن تخرجي فيه هواياتك وعلاقاتك حتى لا تشعري بالفراغ وده مهم ان يكون لكل واحدة حياة خاصة تستمتع بها
واعلمي ان الجمال يخرج عندما تكوني راضية عن الحياة وعن نفسك وقبولك بتلك المرحلة والاستمتاع بها
اهتمي بنفسيتك في تلك المرحلة ومارسي هوايات وعززي اجتماعياتك فحلو مثلا انك تعملي اشغال يدوية او اكلات طيبة وتدعي زوجك واولدلاك واعملي اصحاب واخرجوا خروجه حلوة سوا
فحلو انكي تفكري تعملي الحاجات اللي مكنتيش لاقيالها وقت زمان
