افكار لتسعدي زوجك واطفالك ، لتعلم كل سيده انها محور البيت كله ولو غابن عنه يوم واحد الدنيا هتقف ويحتاسوا في البيت لان ببساطة انتي اللي شيلاه فوق اكتافك لوحدك وقادرة تعملي كل حاجة فيه لوحدك من تربية اطفال وتنظيف المنزل. وعشان كده هنقدم ليكي افكار لتسعدي زوجك واطفالك.
افكار لتسعدي زوجك واطفالك
اولا:
لا تلومي زوجك انه مش بيفسحك ولا بيجبلك هدايا زي زمان يمكن الدنيا مزنوقة معاه ومش الهدية هي اللي هتثبتلك انه لسه بيحبك.
ثانيا:
ابحثى عن سبل جديدة لفتح الحوار وحل أي مشكلة تواجهكم بدل السكات او اللوم بطريقة تخسركم علاقتكم ومفيش مانع تقرأى عن النت او تتصلى بشخص مختص في المشورة الأسرية او تشتري اسطوانة عن العلاقة الزوجية فالعلم بيفيد برضوا.
ثالثا:
حطى باسكت على الباب وقولى لكل واحد حتى جوزك اول ما يفتح الباب يكتب اللي مضايقه ويرميه في الباسك تدى وينساه ويدخل البيت وهو مبتسم.
رابعا:
استنى ميعاد عودة زوجك او اطفالك بمزاج رايق بعيد عن أي مشغولية او توتر وجهزي نفسك كده وغيري هدومك وانظفى وشغلي موسيقى هادية وعطري البيت عشان يكون جو نفسي هادئ.
خامسا:
اهتمى بالأكسجين النفسي بتاعك لأنك لما هتكونى مضغوطه هتتعاملى بطريقة وحشة مع جوزك وعيالك و عصبية فحاولي تلاقى وقت يوميا لنفسك بس حتى لو 30 دقيقه واعملي حاجة بتحبيها او انزلي الكوافير او اعملى مشروب ساخن واقعدي اسمعي فيلم كوميدي يغير نفسيتك.
سادسا:
خصصى لكل طفل من اطفال نص ساعه عشان يرتبط بيكى ويحس انه مميز عندك وقوليله ده وقت تحب تعمل ايه وخليه يختار مثلا:
– تحكيله حكاية.
– تلعبي معاه بلاي استيشن.
– نشوف كرتون.
– نخرج نتمشى.
– نعمل كيكة بطعم هو بيحيه.
سابعا:
خلي كلامك دايما بينقط سكر ويحب اولادك يتكلموا معاكي ويحكوا معاكي. واليكي بعض المواقف الخاطئة وكيف تجدي ردود أفضل لها:
قلت لك 500 مره اول ما ترجع من المدرسة تدخل تغير هدومك وتغسل ايدك ووشك. لكن ممكن اول ما يرجع من المدرسة تقوليله: حمد الله على سلامتك يا حبيبى. فاكر اتفقنا نعمل ايه؟ انت صليت فين انا مشفتكش؟. لكن ممكن تقوله انا عايزة اصلى معاك فلما تجى تصلي نادي عليا ونصلي جماعة.
درجات اخوك احسن مليون مره من درجاتك. لكن ممكن نقوله انت درجاتك الشهر اللي فات كانت اعلى هو انت في حاجه مش فاهمها ممكن نذاكرها سوا.
ياكداب انت صليت أزاي من غير وضوء؟. لكن ممكن نقول اعتقد انك نسيت تتوضئ. لما ربنا بيمنعنا من حاجه لازم نعملها والا هندخل النار لكن ممكن نقوله لما ربنا بيقول غلط نعمل كده يبقى عشان هو بيحينا وعارف ان الحاجه دى مش في مصلحتنا. اللي بيصلي مش بيروح النار ربنا نعمه كتير اوى علينا واحنا لازم نصلى عشان نقوله شكرا عليها.
منظر اوضتك مبهدل كالعادة. لكن ممكن نقوله تعالى نتعلم سوا ازاي ننضف الاوضة عشان نرتاح في القعدة فيها.
المدرس زعق لك ياخايب اكيد عملت مصيبة. لكن نقوله: تعالى احكيلي ايه اللي حصل خلي المدرس يزعقلك؟ بتلعب ليلة الامتحان؟ وفى الاخر تجيب درجات زي وشك. ممكن نقوله حبيبي في وقت للمذاكرة ووقت للعب دلوقتي نذاكر ولما نخلص نلعب سوا.
