كيفية صناعة البرفان المفضل كل واحده ليها البرفان المفضل عندها او الريحه اللي بتحبها جدا . وعشان كده هنقدملك طريقه بسيطة وسهله تعملى منها برفانك المفضل وبرفان جوزك بتكلفه أقل من اللي بتشتريه من برا .وكمان لو حبيتى الفكره اعمليها مشروع وبيعى زجاجات برفان وتدخل مكسب ليكى . وفى هذا المقال سنناقش كيفية صناعة البرفان المفضل بنفسك وبتكلفه أقل . يعنى البرفان اللي بتشتريه ب 50 جنيه هتعمليه بنفسك ومش هيكلفك 20 جنيه وبالخامات الاصليه بتاعته .
كيفية صناعة البرفان المفضل بخامات أصلية وبنصف سعره الأصلى
اولا : طريقه عمل البرفان الرجالى او الحريمى .
الخامات:
لو هتعملى زجاجه 100 مللي يبقى تحسبى المقادير دى عليها
75 مللي كحول ايثيلى طبى
وخلى بالك الكحول الايثيلى الطبي ده تشتريه من أي مكان بتاع مستلزمات طبيه
وبلاش الكحول الميثيلى او الكحولات الصناعية لأنها بتضر الجلد .
25 جرام أسانس
الاسانس هو الماده الخام للبرفان المفضل ليكى وتشتريه من بتاع أي مستلزمات
لتصنيع العطور والبرفانات
وهو ريحه البررفان بس مركزة جدا .
ويتراوح سعر الجرام من 50 قرش حتى 65 قرش حسب نوع الرفان
واطلبيه بالاسم فلو مثلا بتحبى برفان فاراوى far away اطلبى اسانس فاراوى .
او برفان جادور . او بلو ليدى . او بلاك ومن . المهم النوع اللي انتى بتحبيه وتموتى في ريحته عشان تعمليه بنفسك .
لو جوزك بيحس برفان هوجو hugo مثلا : اطلبى اسانس برفان هوجو .
2 جرام مثبت ” وهى ماده تسمى زيت السيليكون وان لم تجديه فيمكن استعمال ملعقة من الجلسرين ”
وفائده المثبت : انه يحمى الكحول من التطاير .
الطريقة :
اخلطى 75 من الكحول الايثيلى الطبي مع 25 جرام من الاسانس وقلبى كويس حتى يختلطوا معا.
ثم ضيفى ملعقة من الجلسرين او المثبت حسب اللي تلاقيه واخلطى جيدا .
صبى المزيج في زجاجه البرفان وتكون 100 مللي ورجيها جيدا حتى يختلطوا معا.
اهم خطوة في صنع البرفان هو التخزين :
فياما تضعيه في مكان بعيد عن الاضاءه لمده من 3- 4 اسابيع .
– او تضعيه في الثلاجة لمده اسبوعان .
” وفتره التخزين مهمه لأنها تجعل الاسانس يمتزج جيدا بالكحول فلا تظهر رائحه الكحول عند رش البرفان وتصبح رائحه الاسانس هي السائده .
ثانيا : طريقه عمل معطر الجو
لو هنصنع زجاجه 100 مللي فتكون المقادير كالاتي :
60 مللي كحول ايزوبروبانول .
20 مللي ماء .
15 مللي اسانس المعطر ” سواء رائحه الورد او الياسمين ”
3 نقط من الون الصناعي سواء الازرق او الاخضر الزرعى .
الطريقة :
ذوبى 60 مللي كحول مع 20 مللي ماء جيدا ثم اخلطى الاسانس وذوبى ثم ضيفى نقط اللون الصناعي وقلبى حتى تححصلى على درجه اللون المرغوب به .. ثم عبيه في علب البخاخ الخاصة بمعطر الجو وتباع في أي محل مستلزمات بلاستكيه منزليه.
