نصائح في الزيارة الاولى للخاطب وكيف تنجح الفتاه فى ترك إنطباع جيد

الانطباع الاول يدوم عندما يتقدم شخص لفتاة تحتار ولا تعرف ماذا تفعل ونحن  نشرح لك نصائح في الزيارة الاولى للخاطب لتنجح الفتاه فى ترك إنطباع جيد بكل سهولة

نصائح في الزيارة الاولى للخاطب وكيف تنجح الفتاه فى ترك إنطباع جيد

فهى عادة تكون مكسوفة او محرجة غير انها لا تعرفه ولا تعرف كيف تتعامل معه وهل سيعجبها واقول لاى فتاة لا تأخذي بالمظاهر فقط لابد ان تسمعيه حتى تعرفيه وانت ايضا لابد ان تتكلمى حتى يعرفك كما قال الفيلسوف سقراط (تكلم حتى اراك) وبلاش الكسوف ده انسان يتقدم للخطبة.

اولا ؛ تجهيز النفس نفسيا و شكلا

– لا تعتقدى انك سلعة معروضة فى البيت ليذهب الشخص لها ويشتريا إذا اعجبته ولكن يجب ان تفهمى ان هذا الشخص جاء ليرى الانسانة التى ستكون شريكة حياته وان رأيك مهم ذى رأيه وانت ايضا يجب ان ترى شريك حياتك ويحدث توافق.

– قبل الميعاد يجب الا تتوتري حتى ولو كانت فرصة اخيرة لك او سنك كبير ستأتى فرص اخرى ولا تأخذى الموضع انه حياة او موت يجب ان يظهر على الوجه علامات الارتياح حتى تكوني جميلة وفى النهاية ده نصيب.

– طبعا هتسألى نفسك البس ايه سواريه كاجوال عادى عايزة البس لبس يبهره طبعا كل ده غير مقبول البسي لبسك العادي كأنك خارجة والالوان تكون متناسقة ومنورة وشك وهادية وبلاش ميك اب كتير يفضل بدون او رتوش بسيطة بجد البساطة بتدى شكل احلى من الالوان المائية اللى بنشخبط وشنا بيها ويحس العريس انه بيبص على كراسة رسم.

– طبعا ممكن تعملى ماسك وكريم مرطب ده هيدى وشك جمال احلى من الميكياج او الميك اب.

– لو الزيارة او اللقاء فى البيت بلاش كعب عالى اوى لو انت تلبسيه البسى كعب 3سم كفاية عشان يعرف طولك.

– من تفائل بالخير وجده تفائلي خيرا بهذه الزيارة ولا تتشأمي وادعي ربنا يعملك اللى فيه الخير ويوفقك والحاجات دى كلها لو عملتيها حتتخطي مراحل القلق.

ثانيا: وقت اللقاء

– إذا اصطحب والدته معه لا تعبسي في وجهها فالابتسامة صدقة حتى لو بتقول كلام مش عاجبك لا تردي الا بالحسنة ولابد من التفكير في الكلام قبل الرد حتى لا تجرحيها اعتبريها والدتك لبضع دقائق ودائما الابتسامة.

– عند الدخول لا تسلمى باليد على العريس او الرجال الغرباء فقط هزي رأسك للترحيب وسلمي كما يحلو لك على السيدات ولكن برقة

– بلاش تدخلي بالعصير خلي المهمة دى لحد تاني حتى لاترتبكي فقط ادخلي لكي تسلمي واجلسي فى الكرسي المواجه له حتى تتمكني من رؤيته جيدا فذلك حقك الشرعي.

– طبعا لازم تسمعيه كويس وهو بيتكلم عشان تقدرى تعرفيه وانتى كمان اتكلمى عادى لا تخجلى ولكن بلاش هزار او ضحكة بصوت لكن لو اتفتح مواضيع ادخلي فيها واسألي فى كل حاجة انتي كمان عايزة تشوفي العريس وتفهميه.

– طبعا لو حصل موقف مضحك او حد قال حاجة تضحك ارجوكي بلاش الضحك بتاع الاصحاب والضحك العالي فقط ابتسامة على الوجه.

– لو وجه ليكى سؤال او كلام خليكي جريئة وردي عادي.

– لو قعدتوا لوحدكم مقابلة شرعية والباب مفتوح  لا تتحدثى فى شىء مسار جدل زى السياسة كرة القدم ولا تظهرى له تحيز لاى فريق او رأى سياسى فقط خليكى على الحياد وردى رد دبلوماسى وشوفى هو هيقول ايه وعلى اساسه ردى بحكمة وبدون تعصب بأسلوب لطيف افضل.

– ممنوع الاسئلة الشخصية او المحرجة فى اول مقابلة زى مثلا السؤال عن دخله او راتبه او السؤال عن حياته الشخصية او هل خطب قبل كده او حب وهكذا.

– إذا كان اللقاء في مناسبة عند حد من المعارف او فى كافيه او النادى مثلا او اى مكان عام لا تكثرى النظرات عن من حولك وركزى مع الشخص فقط لان النظر لمن حولك تعطى انطباع سىء.

اخيرآ

بعد انتهاء اللقاء بتكوني مشوشة ومش عارفة تحكمى كويس احكي اللقاء لوادتك او حد اكبر منك لانه من خلال حكيك سيعرف رأيك وسيعطيكي خبراته ويمكن ان تطلبي لقاء اخر  كي تحددي رأيك جيدا ولا تنسى انك عملت ما عليك والله الموفق ربنا يوفقك في حياتك وربنا هيكتب لك الخير في الاصلح.