شكوى الاطفال احذروا الشكوى عدوى تنتقل للاطفال

شكوى الاطفال نعم ان الشكوى عدوى تنتقل للاطفال. فأن كانوا الاطفال يلاحظون طوال اليوم تذمر الاهل وشكواهم من العيشه، الاسعار . تعب الشغل. المواصلات سيكونوا الاطفال متذمرين ايضا . ففكر بأى كلام تتفوه امام اطفالك ؟. هل كلامك يعبر عن الشكر والامتنان .ام التذمر وعدم العرفان ؟

شكوى الاطفال احذروا الشكوى عدوى تنتقل للاطفال

لو مش ممتن باللى فى ايدك ومش فرحان بيه.  هيولد عدم رضا. وتفضل تبص دايما على اللى عند غيرك . الموجود البسيط لو ممتن بيه. هتبقى فرحان وهتقدر تتغلب على بعض الضغوط . لو دايما بنتذمر قدام اولادنا.. وعمالين نقول اللى ناقصنا .

اكيد الاولاد هتشوفه وتحسه ويقولوه بطريقتهم  انا ناقصنى اللعبه دى . نفسى فى اللبس ده . الحذاء ده .. التذمر يتنقل وعدوى . فخلى بالك انت بتزرع أيه فى ابنك او ابنتك.

مش لازم عشان صاحبك عنده حاجه لازم تكون عندك انت كمان . لازم نعلم اولادنا الشكر والامتنان . لان ده هيضمن نجاح الاسره . وكيانها  وأستمتاعتها باللى عندها حتى لو بسيط .

الفرح مش مرتبط بممتلكات لكن ينفع تفرح بحاجات كتير . الكلام ده يظنه الكثير انه خيال  لكن ده احتياج ضرورى والابحاث اكدت اكتر أسر سعيدة هى الاسره التى تعيش بفرح، حب، امتنان، موده ويا بختنا لو عليتنا من النوع ده .

هل الشكـوى الزياده للاولاد تعبر عن شعورهم بنقص فى شئ ما غير اللى بيحكوا عنه؟

احيانا بنحاول تعويض غيابنا عنهم . ومشغوليتنا فى الشغل . بحاجات تانيه  ودى متكونش كفايه لان الطفل بيحتاج أب متاح . بيديهم وقت كافي معاهم . حكي مع جوزك وقرروا تغيروا طريقه كلامكم  وشكواكم  والتحدث عن الظروف وما ينقصكم على الاقل امام الاطفال .

 

الطفل هيتعلم الشكر منك  وبرضوا هيتعلم التذمر منك  فعايز تعلمهم ايه ؟

اكيد فى الاول هيكون فى صعوبه انك تفرح بامكانياتك البسيطة لكن درب نفسك  وكمان فكر نفسك ان ناس كتير محرومه من اللى عندك .

• لو عندك بيت ناس كتير بتبات فى الشارع .
• لو عندك اسره  ناس كتير فى ملاجئ ايتام لا تملك أب او أم .
• لو عندك شغل افتكر ان ناس كتير عاطلين .
• لو عندك اطفال افتكر ان ناس كتير لا تنجب ومحرومه من الاطفال .
• لو بتلاقى تفطر وتتغدى وتتعشى ناس كتير اديلها ايام مش لاقيه تاكل .
• لو عندك أيد ورجل بتقدر تعمل كل حاجه بنفسك وتمشى ناس كتير محرومه من ده .

شفت قد ايه فى حاجات كتير تشكر ربنا عليها وتعلم اولادك يشكرو ربنا كمان .