الوصايا العشر للاب التي يخبرها طفل صغير لابوه مؤثرة جداً

هذه المره هذه الوصايا العشر للاب يخبرها طفل صغير لابوه ليس العكس. فقد يبدو غريبا لكن وصايا وامنيات يرددها ويتمناها العديد من الاطفال ونحن لا نعي لها .تعرفوا عليها فى هذا المقال .

الوصايا العشر للاب التي يخبرها طفل صغير لابوه مؤثرة جداً

الوصية الاولى:

ليكن تاديبك لى فى دقيقه . وامدحني ايضا ولو لدقيقه . فلا تظل تؤدبني العمر كله . وتتهمني بالمشاغبة .والشقاوة .والغباء . و اللوم طوال اليوم بل طوال الايام . وعندما ارتب غرفتى لا تمدحني ولا تلتفت اصلا ان غرفتي نظيفه . فكما تلومنى امدحني .

الوصية الثانية:

عندما تجدني عنيد معك . او متمرد تجاه شئ ما . فأعلم اننى مللت من كثره اوامرك . فيومك كله بعد عودتك من العمل كله اوامر  اهدأ . أسكت . افعل . لا تفعل .فانا طفل يا بابا . اى كلى طفوله وحيويه . اتكرني استمتع باعالم قبل ان اكبر واتمنى ان اعود طفلا مرة اخرى. اريد ان استمتع بيومي يا بابا .

الوصية الثالثة:

البيت للبيت والشغل للشغل يا بابا . البيت اقعد معانا . العب معانا . حكى واتبسط معانا . مش واخد دفاتر الشغل تخلصها فى البيت. ويبقى البيت فى الشغل برضوا . امتى هتقعد معانا لو علطول مشغول ؟. اكيد انت مش عارف انا عندى كام سنه ؟ اكيد مش عارف  انا بحب ايه واكره ايه ؟. اكيد مش عندك وقت تخرجنا وتفسحنا . لا يابابا ارجوك . بص علينا شويه

الوصية الرابعة:

علمنا ازاي نختار اصحابنا يا بابا. فالسنه الجايه انا هون في سنه اولى اعدادي . وعارفه انى لازم اكون حريص فى اختيار اصحابى لئلا اتأثر بيهم بطريقه غير صحيحه.. طب علمنى ازاى اختار اصحابى ؟ علمنى ازاى اعرف الصديق السئ من الجيد ؟ انت كبير وعندك خبره كبيره . فيدنى بيها ارجوك يا بابا .

الوصية الخامسة:

حفزني . حمسنى . الخروج حلو يا بابا . الهديه حلوة يا بابا .. من وقت للتانى فرحنى بحاجه . قولى تعالى نتفسح سوا . ارجع من الشغل وافتح الشنطه وطلعلى هديه . الحاجات دى بتعرفنى انى فى تفكيرك يا بابا .

الوصية السادسة:

لو عايزني اسمع كلامك . طب اسمع انت كلامي .لما اتكلم علطول بتكون مش فاضى . باصص لنشره الاخبار . باصص لجريده اليوم . بتكلم حد . طب وانا يا بابا ؟ فين من كل ده؟ . ادينى وقت واسمعنى. هتلافينى بسمعك علطول وبطيع كلامك .

الوصية السابعة:

انا مش وحش زى ما بتقولي دايما، لكن تصرفاتى هى اللى بتكون وحشه احيانا.. ففهمني كده ان تصرفاتي غلط وعلمنى ازاى تكون تصرفاتي صح .. لكن بلاش تقولى انى وحش .ولما بغلط فى الامتحان تقولى انت غبى . عارف لو قعدت فهمتني المسأله دى تتحل ازاى كنت عرفت احلها صح وجبت الدرجات النهائية .

الوصية الثامنة:

الوقت مش بالكمية .يعنى مش 3 ساعات انا طالب منك حتى لو ربع ساعه بس احسك انك مركز فيها معايا .قريب منى . بتسالأنى عن يومي . مشاعرى بتدخل لعالمى الصغير وتشاركنى .

الوصية التاسعة:

ماما مش كل حاجه. ربنا خلقلنا بابا و ماما. و التربية مشتركة بينك، مش كل حاجه ماما ماما. احنا محتاجين لبابا برضوا .

الوصية العاشرة:

بابا لا تشغل نفسك بتحقيق طموحك وحصولك على اعلى المناصب وتنسانا .