هنقدّم لك طريقة جديدة للرسم، وهي طريقة الرسم بالملح، وكمان هنلونها عشان أطفالك يستمتعوا بالرسم والتلوين بطريقة جديدة ومختلفة. الرسم من الهوايات المفيدة والممتعة للأطفال. بنحاول نجدد في طريقة التلوين واستخدام خامات متاحة لنغير من روتين الرسم المعتاد، لكِ وصفات عشان تعملي ألعاب جديدة لطفلك بالألوان وبطرق سهلة وبسيطة. خلي طفلك يبدع ويلون وفي نفس الوقت تجديد لألعابه.
طريقة الرسم بالملح وألعاب جديدة لطفلك بالألوان
أول لعبة: الفقاعات الملونة
المكونات:
- فقاعات الاستحمام
- ألوان طعام أو ألوان سهلة الغسل بالماء
- ماء
الطريقة:
ضعي كمية متساوية من الفقاعات والماء معًا.
استخدمي طبق الكب كيك عشان تحطي فيه ألوان كثيرة.
أضيفي نقطتين من الألوان على كل واحدة.
استخدمي شاليمو عشان تعملي فقاعات قبل ما تديها لطفلك.
طفلك هيحب اللعبة دي جدًا، وممكن تديه له وهو بياخد حمام أو بره الحمام. ولو عندك طفل أكبر، ممكن تديله الشاليمو عشان يعمل فقاعات أكثر.
اللعبة الثانية هي الطلاء اللامع
مكوناتها:
- فقاعات الاستحمام
- جليتر
- ماء
الطريقة:
نخلط المكونات في وعاء معًا، وأعطي لطفلك فرشاة طلاء ليُلون أحلى الألوان اللامعة. اللعبة دي بتبقى مفضلة للبنات أكثر لأنها تحتوي على جليتر.
طريقة الرسم بالملح
اللعبة الثالثة هي الفوم الملون:
المكونات:
- فوم حلاقة
- ألوان طعام أو ألوان مصنوعة في المنزل
الطريقة:
نقلب في علبة أو وعاء بعض الفوم مع كل لون حسب الألوان اللي أنتِ عايزاها أو اللي طفلك بيحبها، وممكن كمان تعملي دمج الألوان مع بعض.
وممكن تخلي طفلك يلعب بكل الألعاب دي قبل ما ياخد شاور، عشان يستمتع بالاستحمام بعد كده.
اللعبة الرابعة هي الرسم بالملح الملون
المكونات:
- صمغ
- ملح
- ألوان طعام وماء
- فرشاة تلوين
- ورق مقوى أو ورق كارتون
الطريقة:
نرسم بالصمغ على الورق.
نرش الملح على الرسمة ونتركها لتجف.
نجيب ألوان الطعام ونضع شوية ماء عليها في برطمان أو أي علبة، ونعمل الألوان اللي عايزينها.
أعطي الفرشاة لطفلك وخليه يبدأ يلون بمعرفته.
فوائد الرسم للأطفال
يعتبر الرسم أداة تواصل بين الطفل والمجتمع، لأنه يعبر عن نفسيته وشخصيته من خلال الرسومات. يعبر عن أشياء لا يتحدث عنها الطفل، وحتى ممكن أن نعرف حالته النفسية من رسوماته. كما أنه مفيد لأن الطفل يفرغ طاقته السلبية أو حتى الإيجابية عن طريق الرسم، ويعالج الانطواء عند الأطفال.
يمكنك أيضًا مشاهدة طريقة عمل الرمل الملون من هنا.
