كتير الملابس عندنا مش بنحتاجها او بتكون باظت او اتقطعت او بنطلون وقع على ارجله كلور او موضته راحت جبنالكم افكار لعمل شنطة من الملابس المختلفة زى البلوفر والجينز القديم فى صنع شنطة روعة وشيك
افكار لعمل شنطة من الملابس المختلفة
فكرة شنطة
فكرتها بسيطة ودى هتكون اساس الشنط اللى بتتعمل من البلوفر هنحضر تيشرت جوخ او بلوفر جوخ ونقص الاكمام كما بالصورة لان فتحة الاكمام دى هتكون هى حمالة الشنطة
بعد قطع الاكمام هنفتح فتحة الرقبة على شكل حرف V وكمان فى نفس المستوى هنقيس بالمسطرة فتحتى الاكمام لنوسعهم بنفس مستوى فتحة الرقبة
فتحتى الاكمام هنخليهم بالمنتصف عن طريق لف البلوفر وفتحة الرقبة هتكون من الجانب زى الصورة عشان فتحة الاكمام هتكون حمالة الشنطة وهنقيس الطول المناسب للشنطة وباقى الزيادة نقصه ونعمل حساب 1سم خياطة من الداخل لقاعدة الشنطة
احنا مش هنرمى القماش اللى تم قصه ولكن هنستخدمها لعمل وردات للتزين وممكن لو فى زيادة اكتر نعملها بطانة الشنطة من قاعدتها بوضع ورقة كرتون فى كم من الاكمام وخياطته ثم وضعه قاعدة للشنطة
شايفين حرف البلوفر من تحت هنخيطه والزيادة تم قصها شرائط على شكل الصورة حتى يتم لفها وردات وطبعا الشكل اللى تفضليه بالزينة
وده الشكل النهائى للشنطة شايفين من تحت قفلناها من الداخل بالخياطة وشايفين حمالات الشنطة كانت فتحة الابطين للاكمام
ودى صورة توضيحية
فكرة اخرى
هنقطعه البلوفر من تحت الابط على هيئة مربع وبالنسبة للحرف اللى تحت هنقلبه يبقى تحت فوق وفوق تحت عشان شكل الشنطة ونخيط اللى تحت من الداخل لقفل قاعدة الشنطة واليدين هيكونو من بواقى القماش ونزينها بالخرز او الخيط الصوف بعمله ضفيرة ثم وضعه على شكل وردة
والشنطة دى هتكون زى الشنطة الاولى بس بدل ما تكون الحمالات عريضة اللى هى بالاساس كانت فتحة الاكمام هنلمها بعد توسيع الفتحة بالمقص ونضع بالداخل عمود بلاستيك ونخيط عليه الحمالة ونزينها بشرائط ستان او شيفون
ودى فكرة تانية بنفس الطريقة هنقص البلوفر من فوق عشان يبقى مربع والجيب هبكون قطعة من حرف الاكمام اللى قطعناها هنفتحه ونعمله جيب والحمالات من بواقى القماش المقطوع
وممكن لو البلوفر طويل نقصه مستطيل بردو ونخلى اللى فوق تحت واللى تحت فوق ونقدخل الزيادة من طرف واحد للداخل والطرف الطويل يكون غطاء الشنطة مثل الظرف او الجواب
وممكن تتبطن من الداخل بالقماش وتحت البطانة نضع ورق مقوى حتى يكون الشنطة شكلها مثل المصنعة
شايفين جميلة ازاى وهى مبطنة
فكرة اخرى من الجينز
1- هنبدأ من الصور من الشمال الى اليمين هنحتاج قطعتين متساويتين من بنطلون جينز قديم وابرة وخيط ويفضل ماكينة خياطة ومقص
2-هنفرد القطعتين بفك الخياطة من جانب واحد
3- ثم نوصلهم ببعض من جانب واحد بالخياطة
4- ثم نبطنهم بورق مقوى وقماش من الداخل ثم نتنى القطعة الموصلة من المنتصف اى من منتصف الالخط الذى وصلنا به القطعتين بحيث تكون بالعرض يعنى الخط بالطول هنتنى بالعرض زى علامة +
5- حرف الشنطة من فوق هنضع بدخله ورق مقوى او 2 عمود بلاستيك ونتنيه بالخياطة على نفسه من الداخل
6- هنحضر شريط من بواقى الجينز يكون مسافته طويلة حوالى 100سم نخيطه من الداخل ونوصله ببعضه كحلقة
7- ثم نضعه على الشنطة كبرواز وحمالة
8- هنحضر شريط صوف ونعمله عروة طويلة من الخلف للامام ونعمل زرار كبير للشنطة لقفلها
شنطة من بنطلون كتان
هنحتاج بطانة بلون مناسب ومقص وماكينة خياطة او خيط وابرة
الطريقة:
من تحت على اليمين هنقص منطقة الحجر او الخصر للبنطلون هنخيطها من الداخل من تحت ونضع ورق مقوى عشان الكتان خفيف ونبطن عليه الشنطة ونركبلها حمالات من نفس قماش البنطلون وخلاص بقا عندنا شنطة كاجوال
نرجو ان تكون اعجبتكم الافكار
