طريقة عمل تورتة ايس كريم الكيت كات بالصور جامدة

هنقدملك طريقة عمل تورتة ايس كريم الكيت كات بالصور جامدة لصيف رائع فى الحر ده اعياد الميلاد لازم تكون تورتة ايس كريم ويا سلام بقا لو بالكيت كات.

فى جو العزومة لازم تكونى مُبدعة، ومن أهم أسباب الإبداع إنك تقدمى طبق حلو بعد سفرة الأكل.. و تورتة الآيس كريم مع شيكولاتة الكيت كات وصفة خرافية الجمال، مش بس فى طعمها، ده أكتر فى شكلها الخطير شديد الإغراء، أنا لما بشوفها أول كلمة بتطلع من لسانى “الله”، “وواووو”، هى فعلا وصفة مبهرة ومبهجة.

تورتة ايس كريم الكيت كات بالصور

المقادير:

• شيكولاتة كيت كات
• بسكويت اوريو
• ايس كريم فراولة
• (ممكن نعمله بالبيت باننا نجمد فراولة فى الفريز ونفرمها مع علبة زبادى وسكر وهى مثلجة بالكبة ونتركها بالفريزر ليلة تتجمد )
• ايس كريم فانيليا
• شيكولاتة ملونة ام اند ام للتزيين و بسكويت اوريو

الطريقة:

فى صينية قابلة للفتح ودى سعرها مش غالى ومتوفرة باحجام

نرص اصابع الكيت كات

نفرم 2 كيس بسكويت اوريو بالكبة او بالمدق

ثم نضع البسكويت المطحون فى قاع الصينية ثم نضع طبقة من ايس كريم الفراولة وممكن نضيف لها قطع شيكولاتة

ثم نضيف طبقة ايس كريم الفانيليا ونزينها بشيكولاتة ام اند امز وحبات الاوريو

توضع بالفريزر لتتماسك وتجمد

ثم تقطع وتقدم بالهنا

فكرة اخرى لتورتة الايس كريم بالنسكافيه والكيت كات والشيكولاتة

فى قاع الصينية نضع ايس كريم شيكولاتة

ثم نكسر قطع كيت كات ونضعها فوقها

ثم طبقة ايس كريم فانيليا ثم نكسر قطع كيت كات ونرشها على الوجه

ثم اخر طبقة ايس كريم نسكافيه واخر طبقة كيت كات مكسرعلى الوجه وبالهنا