هنقدملك طريقة عمل كيكة الباونتي بالخطوات مصورة لحلى رمضان وليالى الصيف عشان تستمتعى انتى وعائلتك وضيوفك بطعم الشيكولاتة و جوز الهند وطبعا بسهولة لان الخطوات مصورة
طريقة عمل كيكة الباونتي بالخطوات مصورة
مقادير كيك الشوكولاتة
2 بيضة + فانيلا
1/2 1 كوب سكر
ربع كوب زيت
نصف اصبع زبدة
علبة زبادي
كوب ماء
2 كوب دقيق
معلقة كبيرة بيكنج بودر
3:2 ملعقة كبيرة كاكاو
الطريقة:
نضع البيض والفانيلا مع السكر ف الخلاط ونخلط كويس حتي يصبح لونها فاتح
ثم نضيف الزبادي ثم الزيت والزبدة ثم الماء وفي الاخر نحط الكاكاو
ثم يصب ف صينية مدهونة ومرشوشه كاكو عشان لما نيجي نقلبها يكون لونها موحد اما لو رشيناها دقيق هايكون لونه من تحت ابيض
ثم تخبز في فرن مسبق التسخين من تحت فقط وعلي الشبك بتاخذ حوالي 40 دقيقة
ثم نتركها ف الصينية شوية تبرد شويه
الطبقة التانية (الحشو):
1 كوب حليب
اصبع زبدة
نصف كوب سكر
1/2 2 كوب جوز الهند
الطبقة الثالثة:
3 حبة جالكسي سادة
علبة قشدة
الطريقة:
نحضر الكيك بالطريقة المعتادة انا هنا قسمت الخليط ع صينيتين
عشان الطبقة الاولي لازم تكون رقيقة
وكمان عملت صينيتين عشان كان عندي ضيوف
ده شكل الخليط
يصب ف صينية مدهونه
وتخبز
لتحضير الطبقة الثانية
نضع الحليب والسكر والزبدة مع بعض ع النار ونحرك حتي الغليان
ثم نضيف جوز الهند ونقلب حتي يتجانس الخليط
وده شكله لذيذ جدا
ثم يفرد الحشو علي طبقة الكيك
ثم نسيح الشيكولاتة في حمام مائي ونضيف عليها القشطة
ثم تصب على الطبقة التانية وندخلها الثلاجة
وبنفس الحشو
عملت منها شيكولا باونتي ودي فعلا هي اللي نفس طعم الجاهز
دهنت قوالب السيلكون بالشيكولاتة ودخلتها الفريزر حتي تتماسك مش بتاخد وقت خمس دقايق
ثم يصب شوي من الحشو
ثم تصب باقي الشيكولا المذوبة طبعاً وندخلها الفريزر مرة تانية حتي تتماسك
ودي النتيجه
وهنا م الداخل يمي يمي لذيذة جداً جداً
