طريقة عمل تورتة الكيت كات بالخطوات مصورة

هنقدملك طريقة عمل تورتة الكيت كات بالخطوات مصورة الكل بيحبها ونفسه يعملها وتمنها غالى اوى مع اننا ممكن نعملها بالبيت اوفر واقل كتير وممكن تعمليها هدية فى عيد الام واعياد ميلاد اصدقاؤك

طريقة عمل تورتة الكيت كات بالخطوات مصورة

المقادير:

• 2 ونصف كوب دقيق
• 4 ملعقة نشا الذرة
• كوب كاكاو خام
• ملعقة كبيرة بيكنج بودر
• كوب سكر
• ربع ملعقة صغيرة ملح
• كوب ماء حسب الحاجة
• 2 ملعقة كبيرة زيت
• 4 بيضات
• كوب ساور كريم او كريمة الخفق وممكن استبدالها بكوب لبن رايب
• ملعقة فانيليا

لعمل جناش الشيكولاتة:

• نصف كوب زبدة بدرجة حرارة الغرفة
• 3 ملاعق كبيرة جبنة كريمى بدون ملح
• كوب سكر بودرة
• ربع كوب حليب
• كوب شوكلت شيبس او شيكولاتة قطع صغيرة
• ملعقة صغيرة فانليا

للتزيين:

• اصابع كيت كات حوالى 36 اصبع
• شيكولاتة ام اند امز
• شريط ستان

الطريقة:

1. يسخن الفرن على درجة حرارة 180 درجة مئوية

2. تدهن 2 صينية متوسطة  حوالى 28 مقاسها او 26 المتوفر لديك تدهن زبدة وترش دقيق او نضع بها ورقة زبدة

3. فى بولة نخلط جميع المقادير الجافة الكاكاو والدقيق والملح والنشا والبيكينج بودر وننخلهم بالمنخل او المصفاة

4. فى بولة اخرى كبيرة نخفق البيض والفانيليا جيدا ثم نضع عليهم السكر والزيت ونخفق جيدا ثم نضيف الكريمة والماء ونخلط جيدا

5. ثم نضيف لهم المقادير الجافة ونخلط جيدا حتى تمتزج المكونات ثم نضعها بالصنيتين وتوضع بالفرن على درجة حرارة 180 والفرن يكون مسخن مسبقا وتترك بالفرن حوالى 45 دقيقة ولا نفتح الفرن الا بعد مرور 40 دقيقة

6. بعد مرور 40 دقيقة نغرز برفق خلة اسنان بها اذا طلعت نظيفة نطفىء الفرن ونتركها بالفرن 5 دقائق حتى لا تهبط وان لم تنضج ننتظر 10 دقائق ونختبرها مرة اخرى

7. مهم اوى نعرف ان الكيك بيهبط لما نقلبها على الشبكة وهى سخنة او نطلعها من الفرن لدرجة حرارة اقل لازم بعد ما نطفىء الفرن نتركها به 5 دقائق ثم نخرجها من الفرن وننتظر 10 قبل ان نقلبها على الشبكة

طريقة عمل الجناش الشيكولاتة:

1. فى وعاء الميكسر نخفق الزبدة والجبنة الكريمى جيدا ثم نضيف لهم السكر البودرة والفانيليا ونخفق جيدا
2. فى اناء به ماء داخله اناء اصغر نضع الشيكولاتة كى تذوب فى حمام مائى او نذوبها بالميكروويف بعد اذابة الشيكولاتة ننزل على الزبدة والجبنة والسكر ونخفق حتى تمتزج وتصبح كريمة شيكولاتة

طريقة التزيين:

1. تقسم كل كيك نصفين وتحشى بالمربى اى نوع او الكريمة كما تفضلى ثم تغلق كل كيك على نفسها مرة اخرى ثم نضع كيك ونغلفها بجناش الشيكولاتة من فوق
2. ثم نضع فوقها الكيك الاخرى ونغلفها بجناش الشيكولاتة من فوق وندهن جوانب الكيك حتى تكون الاتنين كيك كأنهم كيك واحدة نغطيهم بجناش الشيكولاتة ونساويهم جيدا
3. نبدأ بتفكيك اصابع الكيت كات من بعضها ونلصقها بالجناش من الجوانب ستلتصق بسرعة لاحتواء الجناش على الزبدة بعد ان وضعنا الكيت كات حول التورتة نضع بالمنتصف شيكولاتة ام اند امز او اى نوع شيكولاتة ملونة

ودى الطريقة بالصور:

وبرفق شديد نربط الشريط الستان فيونكة حول الكيت كات وتدخل الثلاجة على الاقل ساعة حتى تلتحم الجناش بالكيت كات

وتقدم والف هنا

وده شكلها بعد ما اتقطعت يمى

ممكن نستبدل الكاكاو بالدقيق ونعملها كيك بيضاء وتحشى كريم شانتيه وتغلف بجناش الشيكولاتة مثل الصورة

وده شكل الستان

وممكن نغبر فى الزينة ونضع على الوجه مكسرات مع شيكولاتة مع حلوى زى ما تحبو وممكن نغير الكيتكات ببسكويت ويفر اللى العلبة منه ب5 جنيه ومش غالية وفيها عدد كبير لو عاوزة توفرى وفى كل الحالات اولادك وضيوفك هيتجننوا منها

ودى فكرة تزيين الكب كيك لاعياد ميلاد الاطفال