طريقة عمل الفطير الحادق في البيت و وفري فلوسك

فطير الفطاطرى الحادق معظمنا بيشتريه و طبعا ثمن الفطيرة غالية فما بالك لو عدد افراد الاسرة كتير دلوقت تقدرى تعمليه هنقدملك طريقة عمل الفطير الحادق في البيت بسهولة و هتوفري كتيير و هيبقي احلى غداء او عشاء و مش هتشتريه تاني و الطريقة بالخطوات مصورة

طريقة عمل الفطير الحادق

المقادير:

• كيلو دقيق
• 2كوب ماء
• معلقه بيكنج بودر
• ربع ملعقة صغيرة ملح
• ملعقة صغيرة سكر

الحشو:

• خضار ( طماطم – فلفل الوان – زيتون اخضر واسود – جبنة رومى مبشورة )
• مشروم
• قطع فراخ صغيرة بالكارى و متشوحة
• سجق متشوح مع فلفل و بصل
• تونة+فلفل الوان
• شاورما فراخ او لحمه
• جمبري
• زيت لفرد العجينة
•  سمنه لدهن الفطيرة.

الطريقة:

نعجن الدقيق مع الماء و الملح والسكر والبيكينج بودر كويس جدا بعدين نقسم العجينة كورو نسيبها ترتاح لمدة ساعةvناخد كورة نفردها كويس قوى بالنشابة على الرخامة وتبقى رقيقة قوىbيعنى تبقى شفافة جدا على الرخامة ومش مهم لو اتقطعت نتنى طبقة منها على بعضا بعد دهنها بالزيت عشان اللى تحت الحشوة يكون قوى

ونحط جواها شوية من الحشو اللى نحبه وزيتون شرايح وشوية جبنة وطماطم والقلفل ورشه جبنه تانى

ونطبق العجين على الحشو

بعد كده ناخد كورة من العجينه ونفردها  ونحطها جواها نعكس يعنى نخلى الوش المفتوح جوة الفطيرة والضهر لينا وندهن معلقة سمنة صغيرة على الراق اللى فاردينه يعنى نغطى الفطيرة بفطيرة تانية بعد فردها رقيقة ودهن الطبقات نقفل بيها زى الصورة

وسمنة على اللى فيها الحشو وبعدين نطبقاه ونحطها فى صينية مدهونة زيت قبل مايدخلو الفرن وبرضه حطيت سمنة علىbوش كل واحدة تسخنى الفرن على نار عالية عشان تكون طرية ودخليهم لمدة ربع ساعة او لحد مايستوى من تحت وبعد كده حمرى وشهم وتقدم

والف هنا