ماذا يجب أن تفعله عند شكوى الاخرين من ابنك ؟
ماذا يجب أن تفعله عند شكوى الاخرين من ابنك ؟
شكوى الاخرين من ابنك ، بنلاقى اباء وامهات كتير جدا لو حد شكالهم ان ابنهم او بنتهم عملوا تصرف خاطئ نلاقي دايما الرد ” انا ابني متربي كويس او انا ابني مبيغلطش ابدا ” من غير حتى ما يفهموا ابعاد الموضوع او مين غلط في مين ودة اسلوب غلط جدا انك علطول تدافع عن ابنك او بنتك من غير ما تفهم ايه اللي حصل ولكن ماذا يجب أن تفعله عند شكوى الاخرين من ابنك ؟ سنتعرف في هذا المقال
ماذا يجب أن تفعله عند شكوى الاخرين من ابنك ؟
لما يجي حد ويحكيلك ان ابنك ضرب صاحبه مثلا او ضرب ابنه متتسرعش في الحكم وتقول اكيد ابنك انت اللي غلطان وانا ابني مبيغلطش ابدا وابني متربي احسن تربية لكن لازم تفهم الموضوع ايه بالضبط من الطرفين وتتابع الموضوع ومين الغلطان ؟ وهل ابنك عمل كدة بقصد ولا حد استفزة؟
بالطبع لازم يكون في مساحة من الثقة بينك وبين ابنك لكن مينفعش دايما متغلطوش لأنه ممكن يكون عملmnكده فعلا لكن قوله ابني حبيبي انا سمعت منك ايه اللي حصل لكن لازم اسمع من صاحبك او المدرسة ايه اللي حصل كمان
وخلي بالك وكن انت الرقيب والمتابع لابنك فمثلا لو لاحظت انه رجع من المدرسة ولقيت في شنطته حاجة مش بتاعته متطنش لكن أساله ” حبيبي دي بتاع مين وجبتها معاك ليه ؟
” ولازم تعوده ميخدش حاجة مش بتاعته واطلب منه انه يرجعها لصاحبه تاني يوم عشان لو طنشت كده مش هيتعلم ان السرقة غلط وهتكبر معاه العادة دي ولو علطول مش بتغلط ابنك وبتجيب الحق على كل اصحابه او اللي حواليه وانهم هما اللي غلطانين طول الوقت انت كده بتربي ابنك على :
- انه يكون معتدي على الاخرين وحقوقهم.
- انه يكون ظالم لأنه اتعود يغلط والناس التانية هي اللي بتتعاقب مش هو وبتخليه كذاب لأنك دايما بتنصفه حتى لو غلطان.
وهناك 3 ردود افعال تفعلها تجاه أي شكوى الآخرين من ابنك
- ياما بيطلبوا منه يروح ياخد حقه بأيده
- ياما بتقولوله انت مش بتغلط ابدا وانا بكره هروح اخدلك حقك من اللي زعلوك واطلع عنيهم
- ياما هروح افهم الموقف ايه ثم احكم صح وبعدل وده بيفرق حسب السن
فلو طفل عمره مثلا لحد 7 سنوات وجه قالك حد ضربني لازم تروح المدرسة تاني يوم وتشوف ايه اللي حصل لان الطفل محتاجك في السن ده انك تبقى الحكم العادل لكن لو الطفل اكبر من 7 سنوات مثلا من 10 فما اكثر لازم تعلمه يراجع هو نفسه في اللي عمله ويصلح اموره بنفسه وانه يتعلم هو وصحابه بحل مشاكلهم بنفسهم وده بيربى فيه تحمل المسئولية وعلمي طفلك لو كان هو الغلطان لازم يقدم اعتذار للى غلط في حقه ويوعده انه مش هيعمل كده تاني معاه
فقبل ما تحكمي ان ابنك مش بيغلط ابدا كوني صورة متكاملة عن المشكلة وابعادها ولا تحكمي مسبقا بهدف ارضاء طفلك.
ثم اجمعي طرفي الخناقة معا ولو ابنك هو اللي غلط لازم يتعاقب ويعتذر للى غلط فيهم او ضربهم لان هي دى التربية الصح.
