العيش السن او خبز القمح الكامل مفيد جدا للصحة لانه يحتوى على الالياف الطبيعية كما انه يستخدم فى الرجيم ومن المفروض ان يكون موجود فى حياتنا وحياة اطفالنا حتى نتمتع بصحة جيدة هنقدم طريقة عمل العيش السن بالخطوات مصورة
طريقة عمل العيش السن بالخطوات مصورة
المقادير:
- كيلو دقيق القمح الكامل او دقيق اسمر
- ملعقة كبيرة خميرة فورية
- ماء دافىء للعجن
- ربع ملعقة صغيرة ملح
- ملعقة صغيرة سكر
- ردة او نخالة لفرد العجينة
الطريقة:
يتم نخل نصف كمية الدقيق بمصفاة او منخل وطبعا هنلاقى النخالة او الردة فى المنخل او المصفاة هنرجعها تانى للعجين بس احنا نخلناه عشان يدخله هواء يتم وضع الخميرة والملح والسكر على الدقيق كله ويخلط بدون ماء اولا
ثم يعجن بالماء الدافىء بالتدريج وحدة وحدة حتى يتم العجن. و نحصل على عجينة طرية و متماسكة تقطع قطع متساوية و تغطى و تترك لتختمر حوالى ساعة الا ربع فى مكان دافىء
بعد تركها تختمر يتم فرد كل قطعة بالفرادة او النشابة برش القليل من الردة او النخالة و تفرد ربع سم او نصف سم متساوى و ترص بصوانى بعد رش الصوانى بقليل من الردة او النخالة
يسخن الفرن على اعلى درجة وتوضع الصوانى بعد تسخين الفرن. و يخبز حتى ينضج لن يأخذ اكثر من 5 دقائق على الرف الاسفل
اذا اردته طرى نعمل فتحة صغيرة فى المنتصف وقت خروجه ثم يغطى بعد ان يبرد اذا اردته ناشف و مقرمش بعد انتفاخه بالفرن يرفع على الرف العلوى و تهدىء النار جدا حتى يتحمص و يصبح مقرمش
وده شكله من جوه والف هنا اعملو ساندوتشات المدرسة لاولادكم منه
