طريقة عجينة الباف باستري السريعة الهشة بالصور

بدل ما تشترى عجينة الباف باسترى من الحلوانى وتكون غالية ممكن تعمليها فى البيت بكل سهولة ومش هتكلفك كتير وممكن تعملى منها احلى فطاير حلو وحادق احلى من الحلوانى هنقدملك طريقة عجينة الباف باستري السريعة الهشة بالصور والخطوات

طريقة عجينة الباف باستري السريعة الهشة بالصور

المقادير:

• ربع كيلو زبدة باردة مقطعة مكعبات
• ربع كيلو دقيق
• نصف كوب ماء مثلج او حليب مثلج فى درجة حرارة الثلاجة يعنى ليس مجمد
• نصف ملعقة خل
• ملعقة صغيرة ملح

الطريقة:

نضع الدقيق والزبدة و الملح فى العجانة ونخلط بسرعة قبل ان تذوب الزبدة

ثم نضيف الماء والخل او الحليب والخل ونضرب بسرعة

تجمع العجينة باليد وتوضع فى كيس وتحفظ فى الثلاجة نصف ساعة

على رخامة تفرد العجينة مع قليل من الدقيق ثم يتم ازالة الدقيق الزائد من على العجينة بواسطة فرشاة

تطبق العجينة مثل الظرف وتحفظ فى كيس بداخل الثلاجة مرة اخرى ربع ساعة وبعد ربع ساعة تخرج من الثلاجة وتفرد بالفرادة بدون فك الظرف ثم تطبق او تطوى مثل المرة السابقة وتحفظ ربع ساعة اخرى فى الثلاجة ثم تخرج للمرة الاخيرة وتفرد بالفرادة بدون فك الظرف وتفرد وتطوى وتحفظ بالثلاجة ربع ساعة اخرى وكده احنا كررنا العملية 3 مرات فى اخر مرة تحفظ نصف ساعة

يمكن حفظها فى الفريزر شهرين وطبعا لانها عجينة هشة عند الخبز هتبقى طبقات هيتعمل منها اشياء كثيرة مثل ساليزون بنقطعه شرائط ويفرد عليها سكر وزبدة وقرفة أو شوكولاتة وتلف مثل الاسطوانة وتخبز على درجة 190 لمدة 10 دقائق

وده سليزون محشى جبنة  وسوسيس وحشواتك المفضلة، وطبعا الوجه بيتعمل بصفار بيضة مع ربع ملعقة بن وقبل الخبز توضع فى الثلاجة ربع ساعة بعد تشكيلها وتخبز مباشرة فى فرن مسخن مسبقا

وممكن نعملها سمك 1سم ونقطعها بالقطاعة اشكال وتزين مينى بيتزا اشكال وتخبز بنفس الطريقة شايفين بقت هشة وعالية ازاى

وممكن تبقى فطاير سادة تؤكل مع الشاى او فطاير محشية جبنة

او نعملها طبقتين بالقطاعة ونحشيها مربى او جبنة او سبانخ او اى شىء تحبوه

وممكن نفردها فى صينية ونخبزها فطيرة ونحشيها كريمة وفواكه او نحشيها وهى نية فراخ شاورمة والوجه جبنة وتبقى فطيرة الدجاج