طريقة بافلو تشيكن رول وطريقة لفه خطوة خطوة بالصور

هنقدم لكم طريقة بافلو تشيكن رول وطريقة لفه خطوة خطوة بالصور وهى طريقة لعمل لفائف  الرقاق او الجلاش بالدجاج والجبنة والخضروات وجبة مفيدة وممكن طفلك يأخدها كوجبة للمدرسة حلوة اوى وعملية

طريقة بافلو تشيكن رول وطريقة لفه بالصور

المقادير:

• كوب دجاج مسلوق ومقطع نسايل باليد
• كوب جبنة شيدر او اى نوع تفضلوه
• رقائق رول ( جلاش او رقائق السمبوسك ) مقطعة مربعات متساوية
• كاتشب  ( ممكن اضافة كاتشب حار اختيارى  )
• كوب خصار مقطع ( بروكلى مسلوق او سبانخ او كرنب بنفسجى واخضر مقطع شرائح رفيعة ) الاختيار لك

الطريقة:

يتم اضافة ملعقتين كاتشب حار او عادى الى الفراخ المقطعة وخلطها جيدا

هنبدأ بوضع القليل من الخضار زى الصورة كده

ثم الفراخ بجانبها مخلوطة بها

ثم الجبن ولا يجب خلط الحشوة بل يجب رصها مثل الصورة حتى عندما تنضج تدينا شكل البافلو الرائع

هنبدأ فى لف الرول بداية من الزاوية

نلف لفة كمان

ثم ندخل الجوانب فى داخل الرول اول جنب زى الصورة

و تانى جنب او زاوية شايفين الصورة واضحة جدا

ونلف لفة على الجوانب اللى تم ادخالها عشان نقفل عليها

واخر لفة قبل التقفيل

هيتبقى حرف الرول لازم نلصقه بماء او بياض بياض او خل ابيض انا افضل الماء  والامر متروك لك للصق الحرف

ندهن باصبعنا الاحرف كلها بالماء او الخل او بياض البيض مثل الظرف ثم نقفل الرول

والان اصبح جاهزا

نلف باقى الكمية بنفس الطريقة

ترص فى صينية مدهونة قليل من الزيت وترش على الوجه قليل من الزيت ويخبز فى فرن متوسط الحرارة لمدة 10 دقائق او حتى يأخذ لونا ذهبيا جميل

والف هنا