لو اطفالك مش بيحبوا السبانخ وعايزاهم يستفادوا من فوايدها اليكي التشيكن موتزريلا بالسبانخ اللذيذه للاطفال ، السبانخ نوع غنى جدا من الخضروات بالحديد الهام لصحه اطفالنا لكن للاسف طعمه غير مستحب لدى الاطفال . فى التشيكن موتزريلا بالسبانخ بنحشى الفراخ بالسبانخ ونخبيها جوه اكله لذيذه اطفالنا بيحبوها زى التشيكن موتزريلا لكن محشيه بالسبانخ . فى هذا المقال تعرفى على تشيكن موزاريلا بالسبانخ اللذيذة للأطفال .
تعتبر السبانخ أحد أهم أنواع الخضروات الورقية المفيدة (فوائد السبانخ الصحية) فهي تحتوي على نسبة عالية من الحديد ومضادات الأكسدة، إلا أن الطريقة التقليدية في طهيها تكون أحيانًا غير محببة للأطفال وبعض الكبار أيضًا.
لذلك أعدت لكِ طريقة مختلفة يمكنك تحضير السبانخ بها مع الدجاج للاستفادة بعناصرها الغذائية و بطعم شهي في الوقت نفسه.
تشيكن موزاريلا بالسبانخ اللذيذة للأطفال
المقادير:
- صدور دجاج بانيه
- ملعقة صغيرة ملح
- ملعقة فلفل اسود
- ملعقة زعتر بودر، ملعقة كبيره مسطرده
- ربع كيلو سبانخ طازجة او مجمدة، ملعقة كبيرة زيت زيتون
- 3 فص ثوم مفروم
- ملعقة كبيره كريمه الطبخ
- صوص طماطم
- ربع كوب جبنة موتزريلا مبشورة
الطريقة:
- هنحيب صدور الفراخ البانيه و نفتحها من النص كأنه ساندوتش .
- تبلى الصدور بملح ، فلفل ، مسطردة.
- و سبيهم 3 ساعات فى التتبيله.
- فى طاسة على النار حطى زيت زيتون مع فصوص الثوم المفرومه مع السبانخ وخديهم سوتيه عالنار لمده 5 دقائق حتى تدبل
- بعد ما تدبل السبانخ ضيفي لها ملح، فلفل، كريمه الطبخ ودي هتكون حشو الفراخ،
- بعد ما سبتي الفراخ تاخد طعم التتبيله احشيها بالحشوه دي
- ضعي الفراخ فى صينيه مدهونه زيت
- و سبيها فى الفرن 20 دقيقه
- ضبفي عليها الجبنه الموتزريلا وحطيها 5 دقائق حتى تذوب الجبنه.
- و بألف هنا وشفا .
- و جبة شهية ولذيذه جدا للاطفال و الكبار
- و عند التقديم ضعى من تحت صوص طماطم للتغميس
