طريقة عمل طاجن البامية بالفراخ سهل وخفيف

هنقدملك طريقة عمل طاجن البامية بالفراخ سهل وخفيف متعودين على طاجن البامية باللحمة لكن لو جربتوه بالفراخ هتعملوه على طول

طريقة عمل طاجن البامية بالفراخ

المقادير:

• نصف كيلو بامية او الكمية اللى تحبيها
• 2 ملعقة كبيرة زيت زيتون او زيت نباتى
• فرخة مقطعة ارباع او 4 اوراك فراخ
• بصلة متوسطة ومقطعة شرائح
• 3 فصوص ثوم مفروم
• 5 حبات طماطم مقشرة ومقطعة شرائح او مبشورة بدون القشرة
• 2 ملعقة كبيرة معجون طماطم او صلصة طماطم
• 2 كوب مرقة او ماء
• مكعب مرقة
• ملح وفلفل اسود وبهارات
• قرن فلفل اخضر حار مقطع قطع صغيرة

الطريقة:

1. فى اناء على النار يسخن ملعقة صغيرة زبدة او زيت ويشوح به قطع الدجاج مع رشة فلفل اسود عليها وتشويحها من جميع الجهات ونهدىء النار لمدة 10 دقائق حتى تنضج حوالى 50 % وممكن نزودها ربع كوب ماء حتى لا تحترق مع اضافة رشة بهارات ثم نرص شرائح البصل والثوم والفلفل ونتبلهم بالملح والفلفل ونضع البامية بعد تنظيفها
2. ثم نضيف فوقها الطماطم المبشورة والمرقة او الماء ومعجون الطماطم والزيت والفراخ ورشة فلفل اسود وبهارات وملح ونضعها على البوتجاز لتغلى حتى يسخن الفرن يسخن الفرن على درجة هادئة وبعد غليان الصينية نغطيها بورق قصدير ونضعها بالفرن حتى تنضج الدجاج والبامية ثم نكشف الغطاء ونترك الدجاج يأخذ لون تحت الشواية

وتقدم بالف هنا

ممكن لو متبقى عندك صدرين دجاج تقطعيهم مكعبات كبيرة وتشوحيهم دقيق ثم يوضعو بالطاجن بنفس الطريقة والف هنا