هنقدملك طريقة عمل الفخدة الضاني فى الكيس الحراري ولا أسهل وتذوقي طعم الشوي الرائع بسهولة و مش هتتعبى فى شويها وكمان طعم اللحمة بيبقى خطييير.
طريقة عمل الفخدة الضاني فى الكيس الحراري
المقادير:
- فخدة ضاني
- كيس بلاستيك حراري
- 5 فص ثوم
- 1 ملعقة صغيرة كمون
- 1 ملعقة صغيرة فلفل
- 1 ملعقة صغيرة خردل
- نصف ملعقة صغيرة بابريكا
- ربع كوب زيت او زبدة
- ملح
الطريقة:
تخلط المكونات مع الزيت وندهن الفخدة الضاني مع عمل ثقوب وندخل الخلطة داخلها ونضع فص ثوم فى ثقب من ثقوب الفخدة
تتبل جيدا ونضعها داخل الكيس ليلا في الثلاجة
الطريقة ديه يفضل نقعها ليلا في التتبيلة وكل ما نقعناها اكتر تكون اطعم واشهي
نربط الكيس جيدا ويكون كيس كبير يكفى الفخدة وبعد ربطها نغرزها بالسكين من فو ق فقط لتهوية بخار الكيس ثم نضعها بصينية واسعة وكبيرة
ممكن طبعا نضع تحت الفخدة داخل الكيس شرائح البصل وخضروات مشكلة ومقطعة قطع كبيرة هتاخد طعم اللحم
يسخن الفرن علي 220 ونضعها بحيث عظمة الفخد تستند علي حرف الصينية
حتي لا تلمس قاع الصينية وتحترق ونتركها اولا ربع ساعة .
ثم نخفض الحرارة ل 180 درجة حتي تنضج بتاخد حوالى من ساعتين الى ساعتين ونصف
ولو الخروف صغير اوزى
ممكن تاخد ساعة ونصف بس ولما تدخل بالسوا نشغل الشواية على اقل درجة عشان تتحمر من فوق اثناء تسويتها ويحمر لونها
-تترك لترتاح نصف ساعة وتقدم بالف هنا
فوائد الأكياس الحرارية
– أكدت بعض الدراسات أن هذه الأكياس تسمح بطهي الطعام بشكل جيد، مما يسمح للمعدة بهضمه، دون الإصابة باضطرابات الجهاز الهضمي، والمتمثلة في الإمساك، والانتفاخ، والغازات.
– تبقي الأكياس الحرارية على العناصر الغذائية المتوفرة بالأطعمة، ولا تقلل من قيمتها، بل تساهم أيضًا في الحفاظ على مذاقها.
