معظمنا بيفشل بعمل البوفتيك يا اما اللحمة تطلع بتشد ومش بتستوى يا اما اتحرقت ونشفت المهم لازم عشان تظبط البوفتيك لازم تشترى لحمة بتلو من اللى الكيلو 180جنيه اللى بتستوى اول ما تشم النار طيب نعمل ايه مفيش احلى من البفتيك الكداب تكلفته اقل بكتير مع انه باللحمة بردوا وكمان طرى وبيتقطم بسهولة والاطفال هيتجننوا بيه ومش هتعملى غيرة نقدم لكم طريقة عمل البفتيك الكداب باللحمة المفرومة بخطوات سهلة وبسيطة للشيف نجلاء الشرشابي .
طريقة عمل البوفتيك الكداب باللحمة المفرومة
المقادير:
- نصف كيلو لحمة مفرومة
- بصل مبشور
- نصف كوب بقسماط
- 2 بيضة
- قرفة ناعمة
- زنجبيل بوردة
- بودرة ثوم
- بودرة بصل
- بابريكا
- ملح
- فلفل أسود
- دقيق للتغليف
- بقسماط للتغليف
- زيت للقلي
الطريقة:
- تخلط اللحمة المفرومة مع البصل والبابريكا والبقسماط والبيضة والملح والفلفل والقرفة والزنجبيل والبصل و الثوم البودرة .
- بعد تتبيل اللحم وتشكيله اقراص يغلف بالاكياس كل شريحة لوحدها ونضعهم بالفريزر ساعة حتى تتماسك الشريحة ويسهل تتبيلها بالببيض والبقسماط
- وبعد تتبيلها بالبيض والدقيق و البقسماط نرصها بطبق كبير وتوضع بالفريزر مرة اخرى لمدة ساعة ونقليها بحرص لانها عبارة عن لحمة مفرومة واحنا عاوزينها تحافظ على قوامها، والزيت يكون ساخن جدا وقت القلى نطلعها من الفريزر على الزيت السخن على طول ونقلى
- يقلى البفتيك فى الزيت حتى تمام النضج ثم يقدم
