هنقدملك طريقة عمل الجندوفلي او البكلويز بالخطوات مصورة لتستمتعي به بكل سهولة وارخص كتير لو اشترتيه جاهز وطبعا انظف.
طريقة عمل الجندوفلي بالخطوات مصورة
المقادير:
- محار او جندوفلى او البكلويز كيلو او الكمية اللى تحبوها
- 4 ملاعق ثوم مفروم
- ملعقة كبيرة كمون
- 2 ملعقة عصير ليمون
- نصف كوب ماء
- ملعقة كبيرة زبدة او زيت
- ملح ورشة فلفل اسود حسب الرغبة
الطريقة:
فى اناء تسحن الزبدة حتى تذوب
ثم يشوح الثوم جيدا
ثم يضاف الجندوفلى ويقلب دقيقتين
هتبدأ المحار تفتح ولازم تكون الاناء او المقلاة واسعة او كبيرة حتى يصل الى كل المحار الحرارة ويشوح جيدا
ثم يضاف اليه عصير الليمون والماء والكمون والملح والفلفل ونغلق الغطاء ونترك على النار حوالى 10 دقائق او حتى يفتح كله
المحار اللى مش بيفتح تبقى فاسدة وترمى فورا لذلك يجب شراؤه من احد مضمون ومعروف
شايفين فتح وبقى جميل ازاى
طبعا الصوص ده ممكن نعمل منه شوربة سي فود بوضع على النار بعد ازالة المحار فى طبق التقديم ثم وضع الحساء الذى نتج عن التسوية مع نصف كوب كريمة الطبخ ويخلط على النار حتى يثقل القوام قليلا مع اضافة القليل من الملح وتقدم الشوربة مع الجندوفلى.
وممكن نشوح جذر مع الجندوفلى والثوم ونرش فوقه بقدونس او كسبرة مفرومة
وده شكل الجندوفلى يقدم مع سلطة الطحينة طبعا والخبز او الكشرى الاصفر الاسكندرانى والف هنا
