تحتاج ربة المنزل إلى إضافة الثوم البودر في بعض الوصفات ليضيف عليها نكهة لذيذة و مميزة ، لذا نقدم في السطور التالية طريقة عمل الثوم البودر وحفظه وااستخداماتة العديدة في تنكيه الطعام و الطهي.
طريقة عمل الثوم البودر المجفف بالصور
هنحتاج الى:
- كمية الثوم اللى تحبوها بس الفصوص تكون كبيرة عشان تقدروا تقطعوه بسهولة
- ممكن تعملى كيلو هيعمل برطمان كبير
الطريقة:
يتم تقشير الثوم و تقطيعه شرائح رفيعة جدا لازم تكون رفيعة جدا عشان كده عاوزين الفصوص كبيرة عشان تتقطع بسهولة
بعد تقطيعه يرص فى صينية ويدخل الفرن مسخن مسبقا على نار هادئة جدا حتى يتحمص ويتغير لونه للاصفر و نخلى بالنا ليتحرق ومن وقت لاخر نقلب على الوجه التانى حتى يتحمص بدون تحمير ثم نطفىء الفرن وده شكله بعد الفرن
ونتركه فى مكان به تهوية حتى يجف تماما لمدة 3 ايام ممكن نعرضه للشمس كل يوم ساعتين وما الشمس تغيب ندخله ونغطيه بمنشفة جافة لتانى يوم حتى لا يتعرق احنا بنغطيه حماية من اى حشرات فقط
بعد ان يجف تماما يفرم بالمطحنة مثل البهارات ويحفظ الثوم فى برطمان نظيف وجاف ممكن نحفظه بالثلاجة لفترة طويلة وناخد كمية على اد الاستعمال وده شكله النهائي.
طريقة عمل الثوم البودرة المجفف بشكل آخر
المقادير:
- كيلو ثوم
- 2 ملعقة ملح
الطريقة:
1-يقشر الثوم ويغسل يصفى جيدا ويقطع الي شرائح
2-يوضع الثوم فى الطاجين مع الملح ويدخل الفرن لمدة ربع ساعة مع التقليب على نار متوسطة. أو حتي يتحمص شويه.
3-يترك حتى يبرد ثم يطحن ويحفظ فى وعاء مغلق ويستعمل فى الاكل ويرش على المقليات والمشويات.
* للثوم المجفف استخدامات عديدة فيوضع كمسحوق او حب في السلطات وتتبيلات اللحوم والمشاوي والمعجنات كالبيتزا وهو اخف بالنكهة والرائحة من الاخضر.
