خلوا بالكم من الامور دى لما تيجوا تذاكروا لاولادكم

وقت المذاكره . ايه تصورك عنده ؟ طب ازاى بتذاكرى لاولادك ؟. وايه النتيجه بتكون ؟ فى هذا المقال خلوا بالكم من الامور دى لما تيجوا تذاكروا لاولادكم

خلوا بالكم من الامور دى لما تيجوا تذاكروا لاولادكم

اولا: اتحكم فى اعصابك

بمعنى تانى . جمد اعصابك . بلاش نبقى عصبيبن معاهم . لان هيولد خوف

والخوف مش هيخليهم مركزين فى اللى بيذاكروة .ده غير انهم هيتعقدوا من المذاكرة خالص .

وهيبقوا كارهين الساعه اللى بنطلب منهم يجوا نذاكرلهم .

والاخطر ان ده هيأثر على علاقتنا باطفالنا . ومن اجل درس او نشيد . بنعرض علاقتنا باطفالنا كلها للخساره . فلازم نتعلم ازاى نضبط اعصابنا ونتحلى بالهدوء قبل ما نذاكر لاطفالنا .

ثانيا: ادرك انه مازال طفل

بمعنى . ان لديه قدره محدوه على التركيز واحتمال الالتزام بجلسه معينه وقت طويل . فالطفل رمز الحركه و النشاط .

يعنى مينفعش نطلب منه يقعد على المكتب يحب واجباته ويذاكر ساعتين ورا بعض .

لكن لازم نقبل حيويه اطفالنا لان دى حاجه حلوة . وممكن كل نص ساعه ديله 10 دقائق راحه يجدد فيها طاقته ويتبسط يقدر بعدها يرجع يكمل حل الواجب .

وغلط اننا نطلب من اطفالنا يقعدوا عالمكتب وميقفش الا وهو مخلص الواجب

. لانه ممكن يقعد لانه خايف منك . وهتلاقيه قاعد سرحان . او يشخبط .او يرسم . فأنجزى وافهمى طفلم عشان يوفرلك المجهود والوقت .

ثالثا: هو بيذاكر ولا بيتعذب

بلاش يشوف منك وش تانى وقت المذاكره . وتلغى كل معانى الانوثه او الرحمه والانسانيه . لكن خليه يحب وقت المذاكره .خلى المذاكره لعبه . خلى حفظ النشيد اغنيه . هيبقى الموضوع امتع كتير من انك تقعدى تكشرى وتزعقى وتشخطى .

رابعا: لا للضرب او التهديد

قد تسعدى انها تجدى نفعا الان . لكن الضرر على المدى البعيد ان طفلك هيتعود يضرب ويسكت . هيتعود ياخد على دماغه عشان يشتغل . ودى حاجه غلط جدا . لكن لازم تعلمى طفلك ام المذاكره دى حاجه جميله ونجاحه هيقربه من تحقيق حلمه لو عايز يبقى دكتور او مهندس . مش يذاكر عشان ميضربش