علاج الطفل قليل الادب وطرق التعامل معه

الطفل يكون قليل الادب ده بالنسبة لاى ام واب فيلم رعب ان طفلهم يبقى كده وميعرفوش اما يكبر يسيطروا عليه هنقدم نصائح تجعلك تربى طفلك و علاج الطفل قليل الادب وطرق التعامل معه حتى لا يتمادى فى الغلط والوقاحة ويبقى طفل مؤدب

علاج الطفل قليل الادب وطرق التعامل معه

ممنوع الدلع الزائد

مش معنى انه الطفل الوحيد او الكبير او الولد او البنت او اى سبب فى وجهة نظر الاهل اننا ندلعه بزيادة ونلبى كل طلباته بعد كده هيطلب طلبات اكتر ومش هنقدر نوفيها حتى لو مقتدرين ماديا لانها ممكن تكون طلبات غير مسموح بها للاطفال

مينفعش اى حاجة واحنا فى مول او مكان بالخارج طفلنا يشاور عليها ويطلبها نقوله حاضر لو كيس شيبسى او حلوى حتى يكون بحدود عشان صحته ومش معنى كده اننا نحرمه لكن لكل شىء حدود مثلا عاوز لعبة موتوسيكل او البنت عاوزة لعبة عروسة

لازم نتفق معاهم الاول انت هتقدر تحافظ عليها ولا لاء وكمان بلاش نشترى لعبتين ولو كسر لعبته يحاول يصلحها وممنوع نعوضه بواحدة غيرها والا هياخد على كده ويشعر بعدم اهميتها وان الفلوس ملهاش قيمة

– قوانين المنزل والاشياء الممتعة

لازم تضعى حد لكل شىء بالمنزل يعنى مينفعش التليفزيون مفتوح طول الوقت وهو بيتفرج كما يحلو له فى اى وقت او التابلت او الالعاب كل شىء حددى له وقت خصوصا ايام الدراسة ممنوع كل الحاجات دى غير يوم الاجازة ساعتين وتكون متنوعة بين التلفزيون والالعاب

وممكن كل يوم نصف ساعة تلفزيون وقت الدراسة ولكن برنامج هادف مش اى نوع كرتون الاطفال الاصغر سنا قللى وسائل التكنولوجيا والتليفزيون عشان نموه العقلى ولا نقصد ان ننكد على الاولاد ولكن كل شىء لازم بالاصول والوقت وله قانون عشان يطلعوا منظمين وغير فوضاويون ،وطبعا اللى مش هيعمل واجباته ويذاكر هيتمنع من مشاهدته التابلت والالعاب

علاج الطفل قليل الادب وطرق التعامل معه

متداريش على الغلط

بمعنى لما الطفل يغلط وتتسترى على غلطه خوفا من عقاب والده ده غلط وبيحفز الطفل انه يكرر الغلط لو الاب بيستعمل معاه اسلوب العنف وخايفة عليه

ممكن تتناقشى مع الاب على طريقة تانية غير الضرب والاهانة تكون حرمانه من شىء يحبه او لعبة او مصروفه او حتى والده يخاصمه يوم ومش يكلمه بجد هيأثر فيه اكتر من الضرب والاهانة

مثلا لو رسب بمادة او والده حذره من شىء وعمله وتسترتة عليه فانت تأذى ابنك واكرر نرجو عدم الضرب والاهانة لا منك ولا من والده

المصروف الشخصى للطفل

مهما كانت ظروفك المادية عالية لازم تحدد لطفلك مصروف غير كبير حتى لا يفسد الطفل وعلميه انيدخر من مصروفه ويتبرع بما ادخره او يشترى به اللعبة التى يريدها حتى يشعر بالمسؤلية وقيمة المال

وذلك سيجعله يكون معتدل فى نفقته وان هذه الاموال لا تأتى بسهولة وانما الاب والام يتعبوا حتى يحصلو عليها

الحزم

لما تضعى قوانين بالمنزل لازم تكونى حازمة فى تطبيقها ولا تتراخى لذلك قبل وضع قانون معين اسالىنفسك هتقدرى تصمدى ولا هتضعفى واى كلمة يقولها الاب والام بمثابة قانون لا يمكن اختراقه حتى يتعلموا الالتزام

علميهم اداب الكلام

منذ الصغر علميهم ان يشكروك على اى شىء تفعليه مثلا تسلم ايدك يا ماما شكرا على الطعام جزاكك الله خيرا والاعتذار عندما يخطأوا وان يقولوا عند الطلب لو سمحت ومن فضلك وهكذا وحضرتك وكل اداب

التحدث واحترام الكبير وعدم مقاطعة احد الا بعد ان ينتهى والاستئذان قبل الدخول وكونى قدوة لهم بذلك حتى لا ينشأوا اطفال جاحدين وينشأوا يعترفون بكل شىء خير مهما كان بسيطا

علميهم ان يساعدوكى

يجب ان نعلم الاطفال منذ نعومة اظافرهم ان يساعدوك يرتوبو العابهم يرموا القمامة بالسلة يساعدوكى بالاعمال المنزلية حسب عمرهم حتى ينشأوا مسؤلين وغير متواكلين حتى عندما نطلب منهم شىء لا يتذمروا ويجب فى سن السابعة ان يرتبوا معك السفرة وينظفوها

واهم شىء علميهم تعاليم الاسلام بلطف وحنان بدون اهانة حتى لا يقلدوكم ويهينوا الاخرين فالاطفال امانة

اللهم اهدى ابناؤنا واجعلهم بارين بنا فى المحيا وبعد الموت