كل ست لما بتعرف طريقه عمل معجنات حلوة وتكون واحده صحبتها مجرباها وتاخد منها الورقه بتدخل المطبخ وهى مبسوطه اوى انها عملت حاجه جديده وطعمها طلع حلو وزى ما بنتعامل في المطبخ بنبقى عايزين نتعامل مع اولادنا ونشوف نتيج سريعه معاهم.. وهى دى المشكله طريقة تربية الاطفال مش زى عجن العجين .
طريقة تربية الاطفال مش زى عجن العجين
تربيتك مش زى عمل البيتزا .. تخلطى الدقيق مع الجبنه واللبن ويطلعوا علطول احلى بيتزا
انتى بتتعاملى مع فرد له شخصيه له عقل له رأى . له مشاعر له ضمير
و مش جانب واحد بس اللى بيأثر فيه دى في ميون جانب انتى واحده منهم في البيت .
في الاصحاب في المدرسه في التلفزيون و التكنولوجيا في الاقارب فشفتى قد ايه بيساهم في تربيه طفلك الاسلوب التربوى غير طريقة عمل البيتزا.
فأحلى طريقه هى الحوار ثم الحوار ثم الحوار لماذا ؟
– لانك لما بتتحاورى هتقنعيه باللى بتفكرى فيه
– لما بتحكى معاهه انتى بتوصليله بحب و احترام ارائك في سلوكه
طريقة تربية الاطفال مش زى عجن العجين
– لما بتحاوريه بيتشجع ويتحمس لما تقوليله كلمه حلوة او تمدحيه على حاجه عملها .
و خلى بالك مش معنى كده ان اللى هتزرعيه فيه النهارده هتلاقى ثماره بكره لكن لا الطفل بيتعلم واحده واحده وانتى ممكن متلاقيش ثمار تعبك معاه علطول لكن استمرى ازرعى لانها هتبقى منهج في حياته بيطبع عليه و يقدر يقاوم بتلك المبادئ اى افكار غلط جت جديده او بتتعرض عليه .
مش بس كده ده الاسلوب ده هيخلى طفلك سوى نفسيا ومستقر عاطفيا و ده اللى هيصنع منه انسان ناجح وسعيد . و خلى بالك وحطيها حلقه في ودانك مش اللى هتزرعيه دلوقتى هتحصديه دلوقتى
. فمتمليس ولا تيأسى وهتطلع طفل مراهق مؤدب متخافيش لان فتره المراهقه هى حصاد لكل اللى زرعتيه فيه من و هو عمره شهور.
و لو حد قالك الضرب هو الحل يبقى غلطان و هو اللى يستاهل الضربلان الضرب هيخلى طفلك يعند معاكى اكتر و يبقى عايز ينتقم من الاهانه البدنيه دى فخلى بالك
