حدود وقوانين إعطاء الحرية عند الاطفال

حدود وقوانين إعطاء الحرية عند الاطفال ،دايما بنواجه مشكله في النقط هدى اثناء تربيه اطفالنا .. فازاى نعطى لهم حريه بحدود  وهل الحريه افضل ام القهر افضل؟ وكيف نعطى الطفل مساحه من الحريه لنمو شخصيته وفى نفس الوقت توجد داخله ضوابط وقوانين ؟ سنتعرف في هذا المقال.

حدود وقوانين إعطاء الحرية عند الاطفال

ان الحريه في تربيه الاطفال افضل من القهر لان الحريه تسمح بنمو شخصيه الطفل وتوطد علاقه الحب بيننا وبينه. فحلو التحذير لكن لا تجبره فمن ابرز اهميه اعطاء مساحه من الحريه لطفلك هي:- تعلمه قوة الشخصية و تمنحه العقل لاداره حياته وبيته في المستقبل، تنمى فيه الابداع، تجعله متحمل المسئولية.

 

فمن انماط التربية الخاطئة لطفلك :

السيطره والاوامر وعلى طفلك ان يطيعك بدون نقاش :

اعرف ان لو ابنك طاعك من دون اقتناع هيعمل من وراك اللي هو عايز.

بل وكمان السيطره هتصنع طفل مهزوز تجيبه يمين يمشى يمين تجيبه شمال هيمشى شمال لأنك معلمتوش يفكر لكن اتعلم انك تدخل فقط وقت الخطر أي حريه بحدود بحيثلا يضر نفسه تحت اسم ” الحريه”

اهتم انك تعلم طفلك المناقشه وان الحوار خد وهات واواعى ابنك يكون زى السمك الميت اللي يمشى دايما مع التيار  لكن اسمح ان طفلك يعارضك وقدم بدائل.

الحرية المطلقة:

انك تخلى طفلك يعمل اللي هو عايزة فأعرف انك بكده هتفسده جدا. والبيت بدون الحب و الحزم هيسقط كل الاعمده. فبلاش نخلى كل طلبات ابننا مجابه لان بكده هتطلع طفل: متمرد، مدمن، منحرف لاقدر الله. والسبب هو الحرية عند الاطفال بدون قوانين وقواعد.

فلا تظن ان الطيبه والحنان ان توفر له كل طلباته في الحال بل بالعكس ده افساد مبكر للتربية ولا تحس انك حرمته من حاجه لو طلب حاجه ومجبتهاش له في الحال لكن المهم انه يعرف قيمه الحاجه دى. وبلاش يضغط عليك في الطلبات المادية المهم مدى احتياجه لهذا الغرض ليس فقط لمجرد انه يتباهى امام اصدقائه.

متقلقش هتمر الايام ويشكرك على الحزم اللي عاملته بيه لأنك ضفت معنى وقيمه لحياته. فمثلا عادى انك تسمح له يروح رحله: لكن اعطى له نصائح ولو غلك خذ موقف واحرمه من الرحله المره الجايه عشان يتعلم ان في ضوابط وقوانين لسلوكه.

– فأصنع قائد يستطيع تحمل المسئولية في المستقبل.

 فهم ابنك لماذا تخاصمه ؟

فهم ابنك انت زعلان منه ليه مش اول لما يغلط زعاق وشخط وعقاب وتعنيف وكلام جارح من غير ما نعمل اهم حاجه وهى ليه بنصرخ ونعاقيه وايه اللي مفروض يعمله مكان ده.

فلازم يكون الغضب موجه لئلا يكون زى النار التي تحرق بدل ما تسوى فيتحول لطاقه غضب كامنه داخل الطفل وتتحول بعدها لعدوان او عدم ثقه في النفس .

لو غلط ابنك تعالى على جنب وخده بعيد عن الناس وقله انا بحبك وواثق فيك  وفهمه بالراحه ايه الغلط اللي عمله.

اسعى دائما انك تحرك الضمير عند الطفل وعلمه يوضح وجهه نظره في الموضوع مش بس تلقى الاوامر وصل لطفلك انك بتحبه عشان كده بتأدبه.

لو كررر الغلط خليه هو يختار نوع العقاب من 3 تقترحهم عليه. وقله انا نبهتك كذا مره ان ده غلط وانت عملته فلازم نختار 3 من دول واحرص طبعا ان يكون العقاب المقترح مناسب لعمر الطفل بل ونوع الغلطه اللي عملها.

وبلاش قسوة ولو اتاسف خلاص خده في حضنك وانسى الامر مش لازم تزله وكل مره تفكره بأخطائه.