الاكتشاف المبكر للمرض سبب إن شاء الله في الشفاء التام
الاكتشاف المبكر للمرض سبب إن شاء الله في الشفاء التام
مشاركة من صديقتنا: ماما لولو “الاكتشاف المبكر للمرض سبب في الشفاء بإذن الله” بنتي الصغيرة لما بدات تمشي لاحظت انها بتمشي بميل كانها تعرج لكن ماكنش حد بيلاحظ غيرى.
الاكتشاف المبكر للمرض سبب إن شاء الله في الشفاء التام
قررت اطمن عليها واوديها للدكتور، الدكتور طمني
و قال لي: انا شايف ان البنت بتمشي طبيعي. لكن انا كنت مش مرتاحة و صممت انه يعمل لها أشعة و عملنا الأشعة.
و قال لى الدكتور: سبحان الله قلب الأم فعلا دليله، البنت عندها خلع في الورك ! لأول مرة كنت اسمع عن الموضوع ده، و حاولت افهم منه.
قال لي: يعني عظمة الفخد مش في مكانها داخل تجويف الحوض و لازم البنت تعمل عملية لـ علاج الخلع و كنت مصدومة للكلام اللي بسمعه.
قلت له: ايه اسباب الخلع ده؟
قال لى: ده بيحصل بنسبة 1: 1000 طفل و اصابة البنات اكثر من الاولاد.
الاكتشاف المبكر للمرض
و طبعا بيزيد فى زواج الاقارب و الحالات الوراثية و حسب وضع الجنين داخل الرحم و الغريب ان ما فيش و لا سبب من الاسباب اللي قال عليها الدكتور موجودة عندنا بس امر الله.
و حاول الدكتور يطمني ان اكتشاف الحالة مبكرا افضل ليتم العلاج باذن الله لان العملية بعد سن 7 سنوات ليس لها اى داعي و يوقتها الطفل ممكن يكون اعرج او عنده رجل اقصر من رجل، غير الآم الظهر.
و دخلت بنتي حجرة العمليات و كان عمرها سنة و نص و بعد العملية كانت مجبسة في بنطلون جبسي لمدة 3 شهور.
و استحملت الفترة الصعبة دي حتى لا تعاني بنتى لما تكبر . يارب احفظ كل اولادنا من كل سوء.
و الحمد لله هى بخير و العملية الحمد لله نجحت.
احب انصح كل ام واب الاطمئنان على صحة اولادهم لان اكتشاف المرض مبكرا سبب ان شاء الله في الشفاء التام.
حفظ الله اولادنا جميعا و بارك الله فيهم.
