رجيم اللقيمات هتخس بدون جراحة وتأكل إللى فى نفسك

رجيم لتصغير المعدة بدون جراحة وتأكل اللى فى نفسك فعلا فهو ( رجيم اللقيمات ) و يعمل على تصغير المعدة فى وقت قصير من اتباعه ويمكن ان يكون نظام لحياتك دائما لانه صحى تأكل كل شىء ماعدا المياه الغازية والتقليل من المقليات حتى الحلويات تستطيع ان تحلى كل يوم

رجيم اللقيمات هتخس بدون جراحة وتأكل إللى فى نفسك

الإفطار

يوجد له اختيارات كثيرة كما تشاء

ربع رغيف بلدى او شريحة توست معاهم + قطعة جبنة لايت  او بيضة مسلوقة

او ملعقة كبيرة حلاوة طحينية  او 2 ملعقة فول

+ كوب شاى بلبن ولو لبن بودرة يبقى ملعقة واحدة

فطار اخر كوب لبن مع 2 بقسماط او شاى بلبن ده فطار معهوش حاجة تانى

بعد ساعتين من الفطار تبدأ اللقيمات وهى له خيارات متعددة

سنعطى امثلة لك لكى تأكل كل واحدة من الامثلة كالقيمة وليس كلهم مع بعض

 

امثلة اللقيمات في ( رجيم اللقيمات )

– نصف كوب لب اى نوع

– ثمرة فاكهة اى نوع مفيش حاجة محظورة

– نصف كيس شيبسى

– ثمرة خضار اى نوع

– كوب فشار

– 200 ملى  او كوب عصير فواكه اى نوع وممكن اننا نعمل ليتر العصير مقسم على خمس لقيمات شرط الا يتعدى كمية السكر المستخدم فى اليوم كله عن 5 ملاعق سكر

– اى مشروب ساخن به لبن مثل النسكافيه او القهوة او الشاى كوب ويفضل الا يكون بسكر او يكون بسكر دايت

– نصف مثلث بيتزا او سليز اى نوع

– بسبوسة قطعة اد ثلث كف اليد

– ممكن نأخد لقيمة ثمن رغيف بأى نوع اكل فيه جبنة فول بيض بس ثمن رغيف

يعنى نص الربع ومعاهم شاى بلبن فى وسط النهار بدون سكر بس نقلل كمية اللبن

–  بقسماطة واحدة مع كوب شاى بدون سكر

– نصف كوب شوربة لسان عصفور او نصف كوب شوربة خضار

– نصف كوب سلطة خضراء

– كوب زبادى او لبن رايب

– من 2 الى 3 بسكويت سادة

– 3  تمر او بلح

– ثلث كوب عنب اى نوع

– نصف كوب شمام او كنتالوب او بطيخ او اناناس

– قطعة شكولاتة اد ثلث الكف

– كورة ايس كريم بدون بسكويت او نصف كوب صغير

– ربع ساندوتش فاست فود ويفضل انه يكون معمول بالمنزل ويقسم على 4 لقيمات الساندوتش

– نصف علبة تونة صغيرة مع ثمن رغيف او نص توستاية

– 1 كحكة

– 2 قراصيا او 2 مشمش مجفف

– عصير القصب الكوب الكبير بتاع المعصرة يقسم على 3 لقيمات وفارق ساعتين بين كل لقيمة عصير

– شاى بلبن بودرة بس ملعقة لبن واحدة كلقيمة

– ثمن رغيف مع بطاطس بيوريه او مسلوقة

– 2 صوبع محشى كل ساعتين كلقيمة

كل هذه الامثلة لازم يكون بين كل لقيمة ساعتين مينفعش ناخدهم ورا بعض بدون فرق

ولازم نتوقف عن اللقيمات قبل الغداء بساعتين يعن اخر لقيمة اخدتها الساعة 2 ظهرا مثلا يبقا الغداء الساعة 4 عصرا ومينفعش ناكل حاجة فى النص

 

وجبة الغداء او الوجبة المفرحة في رجيم اللقيمات

عشان ما نأكلش كتير على الغداء ممكن اللقيمة اللى قبل الغداء بساعتين تكون 12 حبة لوز او 20 حبة سودانى

مقسمة على  4 مرات كل نصف ساعة 3 حبات لوز او 5 حبات سودانى لحد معاد الغدا كده هتكون بتاكل لحد معاد الغدا ومش صايم

الساعتين دول بمعنى اوضح انا لو اكلت الساعة 2 3 لوز او 5 سودانى الساعة 2 ونصف اكل إما 3 لوز تانى او 5 سودانى واستمر كل نصف ساعة لحد ما اوصل للساعة 3 ونصف

اكل 3 لوز او 5 حبات سودانى واتوقف نصف ساعة واتغدى المخ هيرسل اشارات بالشبع خلال الفترة دى ومش هاكل كتير فحجم المعدة هيصغر

بس لازم السودانى او اللوز يمضغ جيدا وببطء وخلال الساعتين دول ممنوع شرب الماء لاننا لو شربنا ميه اللوز او السودانى هينزل المعدة وكأن شيئا لم يكن

وجبة الغداء تنقسم الى قسمين لمن هم فوق ال90 كيلو ولمن هم تحت ال 90 كيلو

لمن فوق ال 90 كيلو

كوب الا ربع نشويات

( مكرونة او ارز او ربع رغيف بلدى او شريحة توست او شريحة بيتزا )  + كوب الا ربع خضار مطبوخ او باى طريقة بخار او سوتيه كما تفضلون  + قطعة لحم اد نصف الكف

او ربع فرخة او سمكة مشوية او نص سمكة مقلية + طبق صغير سلطة خضراء مع ملعقة زيت زيتون لتجنب الامساك + قطعة حلوى اد علبة الكبريت

او وجبة غدا من المحاشى 4صوابع محشى كرنب + 8 صوابع محشى ورق عنب + طبق سلطة خضراء بملعقة زيت زيتون + ثمن فرخة او قطعة اد علبة الكبريت لحمة

ويفضل ان تكون خلطة المحشى بدون دهون فقط زيت زيتون قليل على الوجبة  + قطعة الحلوى

 

لمن تحت ال 90 كيلو

نصف كوب نشويات + نصف كوب خضار + قطعة بروتين نصف الكف او ربع فرخة او سمكة مشوية +  سلطة خضراء طبق صغير عليه ملعقة زيت زيتون لتجنب الامساك + قطعة حلوى اد علبة الكبريت الصغيرة

وجبة غدا بديلة وجبة المحشى 2 صوابع محشى كرنب + 6 صوابع ورق عنب + سلطة + قطعة صغيرة لحم او ثمن فرخة + قطعة الحلوى

امثلة الحلوى

بسبوسة اد علبة الكبريت

قطعة جاتوه اد علبة الكبريت

2 ملعقة ايس كريم

اى نوع حلويات بشرط يكون حجمها اد علبة الكبريت

اللى مش عاوز حلو ممكن يشرب بدل منه مشروب اى نوع عصير كوب

اللى مش عاوز حلو ولا عصير ممكن بديل لهم قطعة فاكهة

طبعا فى الرجيم ده مفيش عشا لاننا بنأكل بعد الغدا بساعتين لقيمة ونستمر فى اللقيمات كل ساعتين ويفضل اخر وجبة فى اللقيمات تكون زبادى

وتكون اخر ميعاد الساعة 10 او 11 بليل فى الصيف ومن 9 الى 10 فى الشتا عشان نقدر ننام بعدها بساعة او اتنين لان الحرق بليل بيقل جدا

بعض الملاحظات المهمة عن رجيم اللقيمات

– وجبة الافطار مهمة جدا عشان معدل الحرق يزيد

– لازم نعمل رياضة ولو نمشى نصف ساعة يوميا على الاقل

– إذا حصل لخبطة فى يوم نعمل إيه لازم تانى يوم عقاب وبيكون بأننا هنمنع وجبة الغداء ونمشى اليوم كله لقيمات

– ممنوع المقليات او 3 شهور

– فى ناس مدمنة للمياه الغازية مثل البيبسى والكولا ممكن تاخدوا فنجان كل يوم لحد ما تقدروا تبطلوه وده هيكون لقيمة وزودو الثلج فيه كتير عشان نخفف الضرر

– الماء لا تشرب أكثر من كوب كل نصف ساعة او ساعة حتى لا يزيد حجم المعدة فتشعر بالجوع الماء لا يزيد الوزن ولكنه يوسع المعدة ويمطها لاننا نتخلص منه بسرعة

فيكون مد وجذب لذلك يفضل اخذ كوب كل نصف ساعة والافضل ساعة ولابد من شرب 2 ليتر ماء يوميا وقبل الوجبات واللقيمات بعشر دقائق او  بنصف ساعة يؤخذ كوب ماء ويمكن وضع بعض قطرات من عصير الليمون عليه او بعد الاكل بساعة.

– السيدات التى توقفت عندها الدورة الشهرية هذا الرجيم مفيد لها شرط الاكثار من البنفسجيات مثل الكرنب البنفسجى والبرقوق لان ذلك يزيد الحرق لان معدل الحرق عندهم قليل

– يمكن استعمال اقراص الكروميوم قبل الوجبة الغداء بنصف ساعة لانها تحول النشويات الى طاقة وسعرها فى الصيدليات قليل الثمن وغير مضرة

– رجيم اللقيمات مثالى لكل الاشخاص والاعمار مع الاخذ فى الاعتبار مرضى السكر يجب ان يستشيروا الطبيب فى كمية السكر والنشويات

– الاطفال ومرضى الكبد ممنوع اخذ السكر البديل لانه يتلف الكبد ويفضل جميع الاشخاص الا يستعملوه

– مصرح لك اقصى كمية سكر فى اليوم ان تأخذ 5 ملاعق والافضل اقل

– عصير الليمون بدون سكر او الشاى باللبن خالى الدسم بدون سكر او القهوة السادة يمكن اخذها كمشروب عادى ومعاملتها مثل الماء فهى لا تعتبر لقيمة نظرا لانها لا تحتوى على سعرات كثيرة او معدومة السعرات

– مشروبات التخسيس والاعشاب غير مستحبة لان هذا الرجيم لا يحتاج لها

– المرأة الحامل والمرضعة رجيم اللقيمات مثالى لها ولكن يجب الامتناع عن المقليات والتقليل من النشويات بعد الولادة لتقليل حجم البطن والاكثار من الخضروات والفاكهة

– اذا كنتم ممن يشعرون بالجوع بسرعة ممكن تاخدوا 2 حبة سودانى كل نصف ساعة طول النهار وممكن اللقيمة تكون شاى بلبن لايت بدون سكر بجد بيسد الشهية جدا

– مهم جدا تزويد معدل الحرق فى اول 3 شهور ولتزويده اعطيناكم بدائل تختارو منها ما تحبو

–  2 ملعقة كبيرة زبيب او

– 2 ملعقة بابا غنوج

– 3 حبات فراولة او نصف كوب

– يجب اضافة الكرنب البنفسجى للسلطة والبقدونس

– 1 باذنجانة مشوية عليها بضع قطرات من الليمون

– استبدال الملح الذى يحتوى على الصوديوم بملح دايت او ملح يحتوى على اليود حتى لا يحبس الماء فى الجسم ويزيده واليود لتنشيط الغدة الدرقية التى بدورها تزيد معدل الحرق

– 2 قراصيا

– 2 برقوق

– نصف كوب عنب احمر او اسود

هناخد كل بديل من الحاجات دى كالقيمة ولابد من اخذهم فى  الثلاث شهور الاولى لزيادة معدل الحرق

نرجو ان نكون قد افادناكم  لاى استفسار  نرجو تركه فى تعليق