اصابع البيتزا تويستي وجبة مدرسية تحفة وبالخطوات مصورة

اصابع البيتزا تويستي وجبة مدرسية تحفة وممكن نخبزها نصف تسوية ونحفظ كمية منها بالفريزر على التسوية او نسويها تسوية كاملة وتحفظ بالفريزر وتسخن قبل المدرسة فى ورق زبدة او المايكروويف او اكياس حرارية وممكن تعملى منها حلو بالزبدة والسكر والقرفة والحشوة حسب ما الاطفال يحبوها

اصابع البيتزا تويستي وجبة مدرسية بالصور

المقادير

للعجينة :

2كوب دقيق
نصف ملعقة صغيرة ملح
ملعقة صغيرة سكر

2ملعقة صغيرة خميرة فورية
كوب الا ربع حليب دافىء او حسب ما يحتاج الدقيق
2 ملعقة كبيرة زيت نباتى

الحشوة

زى ما تحبى طبعا صلصة بيتزا او ممكن كاتشب بدالها
ملعقة زعتر

جبنة موتزريلا او شيدر او رومى مبشور
صفار بيضة مخفوقة مع ملعقة حليب

اصابع البيتزا تويستي وجبة مدرسية تحفة وبالخطوات مصورة

الطريقة

طبعا ممكن تستخدمى اى عجينة بيتزا تحبيها

تذوب الخميرة والسكر فى ربع كوب ماء دافىء وتترك لتتفاعل 5 دقائق ثم نخلطها مع باقى مقادير العجينة ماعدا الحليب نضيفه بالتدريج مع العجن حتى نحصل على عجينة طرية ومتماسكة وطبعا ممكن نستبدل الحليب الدافىء بماء دافىء تغطى العجينة وتترك لتختمر

تقسم العجينة جزئين وتفرد بسمك ربع سم او نصف سم حسب السمك المرغوب مع رشة دقيق

ندهن اول واحدة بصلصة البيتزا ( ملعقتين صلصة مع ملعقة زيت ورشة زعتر ) ونضيف الجبنة واى نوع حشوة معاها بس انا بفضل جبنة فقط اى نوع عشان ده للمدرسة ثم نفرد الجزء الثانى للعجينة نفس المقاس ونغطى بيه الحشوة  شايفين الحشوة بعد ما غطيناها

تقفل الاطراف جيدا وتقطع بالسكين اصابع رفيعة بسمك سم او 2 سم طبعا حسب الرغبة

ثم تلف شكل التويست حلزونى برفق كل اصبع وندهن صينية زيت ونرص بها الاصابع بعد لفها ثم تترك لترتاح ربع ساعة اخرى

تدهن الوجه بالبيض وممكن مندهنش حاجة ونرش على الوجه زعتر

طريقة الخبز لو عوزاها ناشفة مش طرية يبقى هتهدى النار لحد ما تستوى والافضل تكون طرية لسهولة اكلها للطفل طبعا البيتزا زى اى معجنات بتتخبز على نار عالية تاخد لون ونتركها تبرد

وتقدم بالهنا

متنسيش لو عاوزة تخزنى كمية بعد ما تستوى سيبيها تبرد خالص وبعد كده احفظيها فى طبق عشان تبقى محافظة على شكلها وغلفى الطبق بكيس وساعة المدرسة طلعيها على الفرن او المايكروويف وبالف هنا