افكار لتجديد غرفة النوم بدون تغير الاثاث

افكار لتجديد غرفة النوم ،جددي غرفة نومك من غير ما تشتري اثاث جديد بافكار سهلة عشان تشعري انك عروسة جديدة ولو في مناسبة زي العيد او عيد جواز هتبقي غيرتي من ديكور غرفتك وهتلاقي نفسيتك افضل

افكار لتجديد غرفة النوم بدون تغير الاثاث

افكار بسيطة تغير المود والشكل

لو عندك مناسبة زي العيد مثلا او عيد زواج او عيد ميلاد ممكن تشتري فرع نور من اللمبات الصغيرة وتعلقيه فوق السرير مع شوية بالونات وخدادية قبل وورد وممكن ورد صناعي رقيق مش لازم طبيعي

التسريحة

بلاش تخلي عليها كل ادوات التجميل والعطور خصصي درج لحاجاتك عشان الاولاد وخلي حاجات بسيطة فوق مثل البرفيوم بس وفي الدرج حطي علبة صغيرة بعد تنظيفها مثلا علب الحلاوة الطحينية او علب البلاستيك اغسليها وجففيها او اي علب من محلات البلاستيك وخصصي كل علبة لشيء ليسهل العثور عليها مثلا علبة للروج وعلبة للايشادو وعلبة للاقلام تحديد الشفايف والكحل وعلبة للتوك وعلبة للاكسسوار وهكذا

زي كده مثلا

وممكن تحطي حاجات بسيطة عليها من فوق وتزين برطمان بقطعة قماش ووردات ويبقى حافظة لاقلام المكياج

افكار لتجديد غرفة النوم بدون تغير الاثاث

ودرج للكريمات والاسبراي

ممكن مفرش بسيط او حتى قطعة ستان نفرشها على السراحة بجد هتفرق وممكن نلصق وردات صناعية

على حرف المرايا بمسدس الشمع

 

شايفين دى علبة عادية بقت علب للمكياج والكريمات

 

الدولاب

نظمي الملابس والقطع الصغيرة زي اللانجيرى والشرابات ممكن تضعيها بعلب ليسهل الحصول عليها وكمان ممكن الملابس اللي مركونة في الدولاب نشيلها في شنطة تحت السرير عشان نقلل تكدس الدولاب

ادراج الشفونيرة او الكمودينو ممكن نقسمهم بورق كرتون لسهولة ترتيب الاشياء بهم

 

الاباجورة

لو الاباجورة عندك سادة ممكن تلصقى عليها بمسدس الشمع ازرار ملونة او اي اكسسوار لامع او خرز بحجم كبير ملائم للون الحائط

عند محلات بيع الخيوط بيبقى فيه وردات جاهزة قماش تمنها رخيص اوي منها الستان او الاورجانزا او القماش ممكن نكسو بهم الاباجورة باللصق بردوا

 

شايفين شكلها اتغير ازاي

حتى الشرابات النايلون الملونة ممكن نغلف بيها الاباجورة بعد قصها ووضعها

لو عندك كاسات اتكسرت واتبقى منها كاس او اتنين ممكن تزينيهم او نغلفهم بورق مزين وندع داخل كل كاس شمعة صغيرة معطرة هتدى شكلى رومانسى رائع

افكار لتجديد غرفة النوم بدون تغير الاثاث

شكل السرير

ممكن نعمل تغير بسيط فى السرير مثلا نعلق شريط تل على وجه السرير او قماش ستان او قلوب بسيطة من القماش

وممكن نعمل خلفية بالطلاء نغير لون حاط السرير او نضع ورق حائط خلف السرير فقط بمنظر طبيعى او نعمل وردات

واشكال من الورق المقوى او الفوم ونلصقها على الحائط

 

ده مثلا شكل ورق حائط غير شكل الغرفة

وده شكل اخر لوردات وعند محلات البويات والطلاء بيبقى فيه فورم من الورق نضعها على الحائط ونلونها ونزيل الورق يطلعلنا شكل القلوب او الوردة

وده شكل اخر

افكار لتجديد غرفة النوم بدون تغير الاثاث

ودي فراشات بالورق الفوم

طبعا المفروض تغير شكل ملاية السرير وشراء ملاية سرير جديدة

طبعا ممكن تغير لون طلاء الغرفة كلها

كمان من الحاجات اللي بتغير شكل الغرفة تغير مكان الاثاث ودي افضل خدعة للتغير مثلا نبدل السرير مكان الدولاب وممكن نستغنى عن قطعة من قطع غرفة النوم مثل الشفونيرة او دولاب الادراج الصغير ونضعه بغرفة الاطفال او اي غرفة اخرى لتوسيع الغرفة

– متنسيش كمان ان الاضاءة بتغير كتير يعني مثلا لو غرفتك اضاءتها صفراء غيريها للابيض والعكس

الستائر

– الستائر لو مفرودة ممكن تلميها بشريط ستان مناسب للون الغرفة

وممكن تغيري شكل ماسورة الستارة او تغيري الستارة لو في امكانية مادية ومش لازم الغالية ام براقع ممكن الستارة العادية الشيفون الرقيقة في ماسورة ومعمولة بكرانيش

 

او اى نوع قماش زى الستان مثلا

 

وممكن طبعا تغيري من شكل السجادة والارضيات او تضيفي خداديات بالارض مع ترابيزة او طاولة صغيرة لقعدة زوجية لطيفة

ارجو ان تعجبكم الافكار ولو عندك افكار اخرى اتركيها بتعليق للافادة