طرق تتبيل الفراخ لإعطاء مذاق مختلف في كل مرة

نقدم لكِ عزيزتي اليوم عدة وصفات وتتبيلات وخلطات للفراخ  بنقدم طرق تتبيل الفراخ لاعطاء مذاق مختلف في كل مرة تعملي فيها وتاكلي فراخ .

طرق تتبيل الفراخ

أولا : فراخ مشويه بالمسطره

الطريقة :

1- قومي بغسل الفراخ جيدا بالملح الخشن والدقيق والماء .

2- انقعى الفراخ في تتبيله من ” ملح وفلفل وعصير ليمون وبهار فراخ ومسطرده ”

3- اتركى التتبيله في الثلاجة مع الفراخ لمده ساعتين على الاقل واخرجيها .

4- ضعيها في صينيه مدهونه بالزبده في الفرن لمده 25 دقيقه ثم تحت الشوايه لمده 5 دقائق..

 

ثانيا : فراخ بالزيتون الاخضر

الطريقة:

1- في طاسه على النار ضعي قليل من الزيت ثم ملعقة زبده .

2- اضيفى على الطاسه بعد ان تسخن الليمون المخلل وشرائح الجزر وشرائح البصل وشرائح فلفل الوان مع ملعقة كركم و2 ملعقة دقيق.

3- في طاسه اخرى ضعي قليل من زيت مع الزبده ومع صدور الدجاج المتبله بالملح والفلفل والكارى حتى يتم تشويح الفراخ .

4- اضيفى محتويات الطاسه الاولى الى الفراخ مع كوب مرقه واتركى الفراخ مده 30 دقيقه حتى تتشرب نكهه الزيتون الاخضر وتستوى.

 

ثالثا: صينيه فراخ بعصير الليمون والبرتقال

الطريقة:

1- اغمسى قطع الفراخ في تتبيله من ” ملح وفلفل وبشر الليمون و بشر البرتقال وعصير ليمون و  عصير برتقال وفصين ثوم مفروم”

2- رصيها في صينيه مدهونه زبده مع مكعبات البطاطس في الفرن لمده 40 دقيقه.

رابعا: فراخ بالصويا صوص

الطريقة:

1- ضعي الفراخ في تتبيله عباره عن ” ملح وفلفل وبهار فراخ وملعقتين كاتشب وملعقتين خل وبصله مفرومه وفصين ثوم مفرومين ونصف كوب صويا صوص ” ونتركهم بالثلاجه لمده 4 ساعات

2- ضعيف الفراخ المتبله في صينيه مدهونه زبده داخل الفرن لمده 30 دقيقه.

 

خامسا: صدور فراخ بالجبنه الرومى المبشوره

الطريقة:

1- تبلى صدور الدجاج بملح وفلفل وبهار وعصير ليمون لمده ساعتان.

2- شوحى صدور الدجاج على البوتجاز في طاسه بها زبده لمده 10 دقائق ” تكون نص مستويه”

3- رصى صدور الفراخ في صينيه مدهونه زبده وادهنى الصدور بصلصه الطماطم ” عباره عن طاسه على النار بها ملعقة زيت شوحي بها فصين من الثوم وبصله مفرومه و4 ملاعق صلصله ونصف كوب ماء و حفنه من اوراق الريحان”

4- نبشر المزيد من الجبن الرومى ونرشه على صدور الفراخ وندخلهم في الفرن لمده 15 دقيقه حتى تنضج صدور الفراخ وتذوب الجبنه على وش الفراخ.

 

سادسا : فراخ التكا ماسالا الهندية

الطريقة:

1- قم بغسل الفراخ كامله جيدا بملح البحر الخشن والخل .

2- احدث شقوق طوليه في الفراخ حتى تخترقها التتبيله

3- انقعى الفراخ في تتبيله التكا وهى عباره عن” علبة زبادي توضع في الخلاط مع 3 فص ثوم مع قطعه من الجنزبيل الفريش مع بودره فلفل احمر مع عصير ليمون ونضربهم فالخلاط معا ” .

4- اتركى الفراخ في الثلاجة مده لاتقل عن 24 ساعه ثم اخرجيها لشويها بالفرن.