بيتزا الكوكيز بالفواكه صنف حلويات رائع ومفيد للاطفال اللى مش بيحبوا الفواكه وكمان مناسب لاعياد الميلاد وممكن نعمل منه مينى بيتزا الفواكه هنقدملكوا طريقة عمل بيتزا الكوكيز بالفواكه بالصور
طريقة عمل بيتزا الكوكيز بالفواكه بالصور
المقادير
كوب وربع دقيق
1/2 ملعقة بيكينج بودر
1/4 ملعقة صغيرة من الملح
8 ملاعق كبيرة زبدة غير مملحة زائبة
1/2 كوب سكر
1/4 كوب سكر بني
1 بيضة كبيرة
1 ملعقة صغيرة من خلاصة الفانيليا
الكريمة
كريم شانتيه مخفوقة ( باكو كريم شانتيه مخفوق 5دقائق مع ربع كوب حليب مثلج )
او بودنج او كاستر فانيليا او فراولة
او كريمة لبانى مخفوقة مع السكر البودرة
مربى فراولة او برتقال او مشمش بديل للكريمة
شربات او سيرب او صوص فراولة خفيف ( الربات 2 كوب سكر مع كوب ماء نغليهم لحد ما يتقل القوام قليلا 5 دقائق )
التوبينج او الوجه
فواكه مشكلة حسب الرغبة وحسب المتوفر مقطعة شرائح
طريقة عمل بيتزا الكوكيز بالفواكه بالصور
يسخن الفرن على درجة حرارة 180 درجة
في وعاء متوسط الحجم، نخفق معا الدقيق، والبيكينج بودر والملح. في اخر كبير،نخفق معا الزبدة والسكر باستخدام مضرب البيض حتى تصبح ناعمة. ثم يتم إضافة في البيض والفانيليا وتخلط حتى يندمج. ببطء نضيف خليط الدقيق إلى الزبدة حتى نحصل على عجينة طرية غير لاصقة نوعا ما
فى صينية البيتزا او صينية قصيرة الحواف ندهنها قليل من الزيت ثم نفرد بها العجينة
ثم تخبز لمدة 10 دقائق او حتى تأخذ لونا جميلا
وممكن نعملها فى قالب على شكل مستطيل او قلب
بعد ان تخرج من الفرن نتركها تبرد تماما
نبدأ بتقطيع الفواكه
تدهن البيتزا كوكيز بعد ان تبرد بالكريمة او المربى وطبعا ممكن قبل الكريمة نرش بالملعقة سيرب او شربات على الوجه حتى تطرى قليلا
ثم نبدأ برص الفواكه كما يحلو لنا
ونكمل رص الفواكه حتى ننتهى
ودى افكار لشكل بيتزا الكوكيز بالفواكه ممكن نزينها بفواكه كمبوت
ممكن نصب على وجه الفواكه صوص الفراولة او السيرب او الشربات الثقيل او ندهنها جيلاتين
نقطعها بقطاعة البيتزا يمى طعمها روعة وطبعا كل شخص هياخد شريحة او 2 بالكثير لانها حلويات فمش هتضطرى تعملى مية كبيرة او كل واحد واحدة لوحده العيلة ممكن تتقاسم فى بيتزا كبيرة
وممكن باعياد الميلاد او لاولادك تعملى مينى بيتزا زى الصورة بصوانى صغيرة هيفرحوا اوى
وده شكلها من الداخل ودى بكريم شانتيه مخفوق بعصير فراولة مثلج وممكن ندهنها ايس كريم باى نكهة فى الصيف ثم نضع الفواكه
ودى ريحة اخرى يا رب تعجبكم
