طريقة عمل بيتزا اومليت من العيش الفينو البايت في دقائق

العيش البايت الفينو بيكون عندنا كتير ممكن نعمل منه اسهل واسرع بيتزا اومليت وتكون غداء لذيذ وقيمته الغذائية عالية واولادك هيطلبوه من على طول والاهم انه سريع وسهل ولذيييذ إليكِ طريقة عمل بيتزا اومليت من العيش الفينو البايت فى دقائق .

طريقة عمل بيتزا اومليت من العيش الفينو

المقادير

3 بيضات

سجق او سوسيس مسلوق ومقطع او بسطرمة

ملعقتين بقدونس مقطع

ملح وفلفل اسود

حوالى 1 عيش فينو

ملعقة كبيرة زيتون

جبنة مبشورة اى نوع رومى او موتزريلا او شيدر والكمية اللى تحبيها ملعقة او ملعقتين وممكن نحط جبنة قريش

1 طماطم قطع صغيرة

حبة فلفل صغيرة قطع

2 ملعقة حليب سائل

الطريقة

تمسح المقلاة بقليل من الزيت وتسخن على النار

يقطع الخبز قطع صغيرة فى بولة كبيرة نخفق البيض والحليب جيدا ثم نضيف باقى المقادير ونقلب ماعدا قطع الخبز نضعها بالاخر حتى نعرف الكمية التى تناسب الخليط لاننا نريده سائل قليلا

ثم يصب الخليط فى المقلاة الساخنة ونهدأ النار حتى تنضج من تحت ثم بملعقة كبيرة ومسطحة بقلبها على الوجه الاخر

تقطع وتقدم مع السلطة وممكن نعمل اقراص صغيرة وحشوات مختلفة حسب المفضل لأسرتك وأولادك.

 

والف هنا