وصفات من العيش الفينو سهله ولذيذة

كتير بنشترى عيش فينو ولو ما اتكلش علطول بينشف للاسف . وعشان كده هنقدم عده افكار و وصفات من العيش الفينو سهله ولذيذة لتستفيدى من المتبقى من ساندويتشات المدرسة . اليك تلك الافكار

وصفات من العيش الفينو سهله ولذيذة

الفكرة الاولى:

بيتزا بالعيش الفينو

قطعى الرغيف الفينو بالعرض الى حلقات دوائر سميكه ورصيهم في صينيه مدهونه سمنه او زبده .

ضعيف عليهم صوص طماطم ثم أي انواع خضار عندك وليكن مثلا ” بصل , فلفل اخضر , شرائح طماطم كلهم مقطعين قطع صغيره . ولو عندك بواقى فراخ من الغدا او لحمه . قطعيهم قطع صغيره وحطيهم عليها .

ثم ضعيف رشه جبنه موتزريلا ودخليهم الفرن 10 دقائق حتى تذوب الجبنه . هيكون عندك احلى بيتزا لاولادك على العشا او سناكس في نص اليوم تتسلوا بيها .

الفكرة الثانية:

بودنج الخبز

في صينيه خبز قطعى العيش الفينو قطع عشوائيه ثم رشى عليهم زبده سايحه وقلبى

ثم هاتى بيضه واضربيها كويس ورشيها عليهم مع رشه فانيليا .

ثم رشى عليهم كوب حليب محلى بالسكر .ودخليهم الفرن لمده 15 دقيقه.

هينفش كده وهيبان كأنه كيكيه . طلعيها واعملى صوص كراميل ورشيها عليهم وبالهنا والشفا

الفكرة الثالثة:

تبلى به الكفته

لو عندك لحمة مفرومة قومي ببل العيش الفينو في الماء واعصريه من الماء وضيفيه للحم المفروم

وانتى بتعملى الكفتة هتبقى طريه وطعمها لذيذ جدا .

الفكرة الرابعة:

بقسماط

جمعى بواقي العيش الفينو وحمصيهم في الفرن ثم ااطحنيهم وضيفى له ملح وفلح وبهارات وشطه

واحتفظى بيهم في كيس في درج الثلاجة . واستعمليه في عمل الدجاج المقرمشة ,البانيه .

الفكرة الخامسة:

اصنعى مقرمشات بالتوم والزعتر

قطعى العيش الفينو لشرائح مدوره وادهنيها بالزيت ثم افرمى فص ثوم وادهنيهم عليها مع رشه زعتر.

ودخليهم الفرن حمصيهم هتبقى عندك قراقيش روعه زى الصن بايت . تغمسى بيها في أي صلصه تغميس .

الفكرة السادسة:

اصنعى بها السيزر سلاط

قطعى العيش الفينو لمكعبات ورشى زيت ودخليهم الفرن يتحمصوا ولما يخرجوا من الفرن اعملى بيهم سيزر سلاط كالاتي ” ورق خس مقطع + حلقات بصل + قطع فراخ مشويه + مكعبات العيش المقرمش .

ثم رشى عليهم صوص ” ملعقة زيت زيتون + عصير ليمونه واخلطيهم كويس اوى ثم ضيفى ملعقة مسطرده ثم ملح وفلفل . ده دريسنج السلطة وبألف هنا وشفا .