بالصور إعملي بنفسك لعبة البازل لتنمية ذكاء الطفل وتسليته

تعتبر لعبة البازل من اكتر اللعب اللي بتحتاج تركيز الطفل وبتشجعه على قوة الملاحظة والتدقيق وازاي يجمع الحاجات عشان يتوصل لشكل نهائي محدد فتعالي نتعلم أزاي تعملي بنفسك لعبة البازل لتنمية ذكاء الطفل وتسليته بخامات بسيطة وممكن تعملي كذا واحدة لتسليته وانتي تلعبي معاه وتشاركيه هيفرح ويتبسط

لعبة البازل لتنمية ذكاء الطفل

الخامات :

1-      عصى خشبية عريضة ” حسب حجم الصورة ” حوالي 10 او 12 عصاية ”

2-      صورة من مجلة اطفال او من كتاب قصص اللي هنعمل بيها اللعبة” او لو مش موجود ارسمي انتي رسمة ولونيها بألوان زاهية على فرخ ورق واستعمليها ”

3-      علبة غراء او صمغ قوي .

4-      موس او كتر .

الطريقة :

1-      رصي العصى الخشب جنب بعض استعدادا للصق الصورة.

2-      ادهني الصورة من الخلف بالصمغ او الغراء.

3-      قومي بلصق الصورة بطولها على العصى الخشبية واضغطي بأيدك عليهم حتى تلتصق جيدا.

4-      اتركي الصورة على العصى الخشبية تجف جيدا ” حوالى نص ساعة ”

5-      ثم باستخدام الكتر او الموس افصلي كل عصاية عن الثانية ولخبطيهم وحطيهم في علبة وخلي طفلك يعيد تكوينها .

فوائد البازل للاطفال