نفسكو تأكلوا مسقعة بس محرومين منها عشان الرجيم ولا تزعلوا هنقدم لكم المسقعة باللحمة المفرومة دايت قليلة السعرات ولذيذة بالصور وبكل سهولة وقليلة الدهون وطبعا احنا عارفين فوائد الباذنجان وان سعراته قليلة جدا غير اللحم ايضا ودى وجبة غذائية متكاملة
المسقعة باللحمة المفرومة دايت بالصور
المقادير:
- ربع كيلو لحم مفروم
- نصف ملعقة قرفة ناعمة +ملعقة ملح + ملعقة فلفل اسود
- كيلو باذنجان مقطع حلقات
- ربع كيلو فلفل اخضر حسب الرغبة
- 3 طماطم مقطعة حلقات
- 2 ملعقة زيت زيتون
- 2 كوب عصير طماطم
- ملعقة خل
- 2 ملعقة معجون طماطم
- ملح وفلفل اسود وكمون ( ملعقة من كل نوع )
- نصف ملعقة شطة اختيارى
- 3 فصوص ثوم كبيرة ومفروم
- 2 بصلة متوسطة مقطعة
الطريقة:
- بعد تقطيع الباذنجان يوضع فى ماء وملح 5 دقائق ثم يصفى
- يوضع على الشواية هو والفلفل الاخضر او يوضع فى صينية فى الفرن ويرش قليل من الزيت عليه حتى يأخذ لون من الجهتين
طريقة الصلصة:
- فى اناء نضع ملعقة زيت زيتون ونضع عليها الثوم المفروم وتشوح حتى يصبح لون الثوم ذهبى
- نضع عليهم ملعقة الخل ثم معجون الطماطم ثم عصير الطماطم والملح والفلفل الاسود والكمون وبعد الغليان
- نهدىء النار ونتركها لتنضج ويمكن اضافة قطع فلفل اخضر او بقدونس اخضر للصلصة
طريقة العصاج او اللحم المفروم:
- فى اناء او طاسة نضع ملعقة الزيت المتبقى واللحم المفروم والبصل المقطع والقرفة والفلفل الاسود ونقلب
- ثم نضع الملح ونقلب الى ان تنضج اللحم ونطفىء النار
- نبدأ فى عمل الصينية، نحضر صينية بيريكس او اى نوع ونرص الطماطم الشرائح او ممكن اضافة نصف الباذنجان للصينية بدون فلفل او طماطم اختيارى حسب الرغبة
- ثم ترص طبقة الفلفل ثم نصف الباذنجان ونصف مقدار الصلصة وتوزع اللحمة المفروم او كما تريدون بدون فلفل
- ثم ترص باقى الباذنجان على الوجه وباقى الصلصة اخر حاجة على الوجه وتوضع فى الفرن على نار متوسطة حتى تنضج وتأخذ وش جراتان بسيط او يحمر الوجه بسيط حتى نحصل على هذه النتيجة وتقدم مع السلطة الخضراء او سلطة الزبادى
- اذا عجبتكم الفكرة اتركوا تعليق بالاكلات اللى نفسكوا تاكلوها دايت واحنا ان شاء الله نحاول نعملها
