نقدم اليوم لكم وصفة جميلة من وصفات الكيك اللذيذ وهي طريقة عمل كيكة الحليب الساخن كيكة اسفنجية غير عن المتعارف عليها وبتنعمل بالحليب الدافىء .
طريقة عمل كيكة الحليب الساخن
المقادير:
– 3 بيضات
– 1 ونص كوب سكر
– فانيليا
– كوب الا ربع لبن
– معلقه كبيره زبده او سمن
– 2 كوب دقيق
– بيكنج باودر
-ربع معلقه صغيره ملح انا كتبت المقادير بالترتيب فى تلات مجموعات لان ده اللى هيحصل فى الطريقه
الطريقة:
كده اول حاجه نولع الفرن على 180 و نبطن القالب بسمن و دقيق عادى جدا المقادير دى لصينيه صغيره
نضرب البيض و السكر والفانيليا مع بعض لحد مايبقى لونهم فاتح و واخدين هوا كده حوالى 5 دقايق عالسرعه العاليه
نسخن اللبن لحد مايغلى ومعاه معلقه الزبده او السمنه وننزل بيه خط رفيع على خليط البيض والسكر المضروبين سوا والمضرب شغال لما البيض و اللبن يتخلطو خلاص ننزل بالدقيق مع البيكنج باودر بتاعه والملح بس الدقيق على 3 دفعات
الخليط بتاع الكيك ده بيبقى سايل اكتر من العادى بس بتظبط فى السوا اوى و نصب الكلام ده في الصينيه المتبطنه من الاول وندخله الفرن
وبعد ما تبرد نقسمها نصين و نحشيها بالكريم شانتية و مربى فراولة و نحط الطبقة التانية و نغطى الكيك باكريم شانتية و نحط من الجناب شيكولاتة مبشورة و من فوق مربى فراولة مضروبة مع جيلى بعد ما نعمل الجيلى عادى زى ما مكتوب على العلبة نحط علية المربى و نضربهم كويس و بعد ما تكون تبرد نحطة على وش الكيك و بالهنا
