سوف نروي لكم قصة حياة النبي عليه الصلاة والسلام بطريقة سهلة وبسيطة علشان الاطفال اللي من 3 :6 سنوات او اكتر يقدروا يستوعبوها ويفهموها كويس ومتعرفوش قد ايه الاطفال في السن بيقدروا يفهموا ويستوعبوا
قصة حياة النبي عليه الصلاة والسلام للأطفال من 3 إلي 6 سنوات
الهدف من القصة
ان الاطفال من سن صغير يبقى محفور في نفسيتهم قصة حياة سيدنا محمد عليه الصلاة والسلام
بكل جماليتها و معانيها و انهم يعرفوا من صغرهم انه هو احب الاشخاص ليهم و قدوتهم في الحياة
كل ده بطريقة تتناسب مع سنهم و هتلاقيهم مع تكرار كل جزء من القصة حفظوها وبقوا متاثرين بيها
و يارب يملأ قلوبهم بحب رسول الله .
وسوف نروي لكم القصة بهذه الطريقة البسيطة
كان يا مكان يا سعد يا اكرام ما يحلى الكلام الا بذكر النبي عليه الصلاه والسلام ثم قولوا لهم الولاد الشطار الحلوين
يقولوا ايه عليه الصلاه والسلام برافوا عليكم يا حلوين
مين يا حبايبي احسن واحد في الدنيا سيدنا محمد
سيدنا محمد هو اللي ربنا اختاره عشان يعلمنا الصح و الغلط و الحلال و الحرام
ربنا اختار سيدنا محمد عشان يعلمنا الأعمال الحلوه والطيبه و الاخلاق الجميلة علشان الناس تحبنا
و يعلمنا دينا الإسلام علشان ربنا يحبنا ويبقى لينا بيت في الجنة في حاجات حلوه كتييير
واللي هيحب سيدنا محمد و يسمع الكلام اللي ربنا علمه لسيدنا محمد ربنا هيحبه و هيدخله الجنه
و الجنة دي مكان حلو اوي مفيش احلى منه اللي فيه كل حاجة حلوه وكل اللي احنا عاوزينه
وكل ما تشوفوا حاجه حلوه هتلاقوا في الجنه احلى منها
كان زمان سيدنا ابراهيم بيبني الكعبة و معاه ابنه اسماعيل سيدنا ابراهيم و هو بيبني الكعبة
و قف يدعي ربنا انه يبعت للناس رسول يعلمهم الصح و الغلط و الحلال و الحرام
عشان يخليهم ناس حلوين وطيبين بيعملوا الخير فربنا أستجاب الدعاء واختار سيدنا محمد
علشان يعلم الناس الصح والغلط و اللي يعلم كل الناس أوامر ربنا
ابو سيدنا محمد كان اسمه ايه : عبد الله ابن عبد المطلب و مامته كان اسمها ايه:
آمنة بنت وهب ولازم تخلي اطفالك يقولوا وراكي ويكرروها
سيدنا محمد كان لسه جوة بطن مامته باباه عبد الله مات و مكنش شافه لانه كان لسه متولدش وجوه بطن مامته
قصة حياة النبي عليه الصلاة والسلام
عارفين سيدنا محمد أتولد إمتي أتولد عام الفيل يعني في نفس السنة اللي أبرهة الوحش
كان عايز يهدم الكعبه بالفيل الضخم الكبير بس ربنا عاقبه هو وكل الجنود الوحشين اللي كانوا معاه ومعرفوش يهدموا الكعبه
و لما مامته امنة بنت وهب ولدته نادت على جدو ابو باباه عبد المطلب واول لما شافه لقاه طفل شكله جميل فمامته
قالت لجده انا لما كنت بنام كنت بحلم حلم جميل اوي كنت بشوف نور بيخرج من جسمي و بينور الدنيا كلها
جده فرح اوي و حس ان الطفل ده هيبقي مش طفل عادي و لما يكبر هيعلم الدنيا كلها
و هيخلي الناس تشوف الحاجات الصح زي النور اللي بيخلينا نشوف كل حاجة في حياتنا
فجده قال انا هسميه محمد مكنش في اي حد ساعتها اسمه محمد فالناس سالته
يعني ايه اسم محمد قالهم يعني ربنا في السماء يحبه و يحب اخلاقه الجميله و الناس في الارض تحبه و تحب اخلاقه الجميلة
اللهم صل على سيدنا محمد
