إذا كنت من محبي الحلويات وبخاصة الشوكولاتة اليكم أطعم الحلويات الشهية وهى كيك الكاكاو المزينة بصوص الشوكولاتة نقدم طريقة عمل كيك الكاكاو وصوص الشوكولاتة اللذيذ بخطوات سهلة وبسيطة
كيك الكاكاو وصوص الشوكولاتة
المقادير:
صوص الشيكولاتة:
- كوب كاكاو خام
- كوب لبن بارد
- كوب زيت
- كوب سكر – يمكن زيادة 1\2 كوب آخر حسب الرغبة
- ظرف فانيليا
الكيك:
- عدد 5 بيضات
- ظرف فانيليا
- ظرف بيكينج باودر
- و2 كوب دقيق
- كوب سكر
- باقي صوص الشوكولاتة
- و3 ملاعق سمنة أو زبدة سايحة
طريقة التحضير:
صوص الشيكولاتة:
- نضربهم مع بعض كويس أوي في الخلاط بعد ما يتجانس الخليط هناخد منه مج واحد بس ونحطه في الفريزر على ما نجهز الكيك.
الكيك:
- نضرب البيض مع الفانيليا كويس اوي على السرعة الهادية وبعدين بنزود السرعة تدريجياً بعد كده بنضيف السكر بالتدريج لحد مايكون عامل معانا زي الكريمة
- ننزل على الخليط ده بالسمنة وبعد كده الكمية المتبقية من صوص الشيكولاة بعد كده بننزل عليه الدقيق والبيكنج باودر
- ولو لقيتي الكيكة مش مدياكي القوام اللي انتي متعودة عليه وبتحبية ممكن تزودي الدقيق شوية
ادهني الصينية بالزبدة ورشي عليها الدقيق وصبي عليها الكيكة - دخليها الفرن وتكوني مسخناه من قبلها وتسيبيه على أعلى درجة حرارة عندك لمدة عشر دقائق
وبعد كده تهدي عليها النار بعد كده نطلع مج الصوص من الفريزر - قومى بتقطيع الحروف والأجناب والوش بتاع الكيك علشان تشرب الصوص ومايكونوش ناشفين حتحسه انها مفروله شويه ليه بقي عشان قطعنها وهي سخنه احنا نسبها شويه لحد متبرد بعد كده نقسمها لقسمين وتدهنيها بالصوص
ملحوظة:
الصوص مابيتصبش ده بيكون تقيل وبتدهنيه على الكيكة بالمعلقة بعد كده نحط النصف التاني من الكيك بعد كده بتقطعيها مستطيلات زي الجاتو وممكن نرش عليها بندق مبشور.
وبالصحة والهنا
