ناس كتير طلبت طريقة عمل السمك المشوي بالردة بالبيت، واللى هى نخالة القمح هقولكم طريقة حلوة وسهلة وطعمها أحلى من الجاهز.
طريقة عمل السمك المشوي بالردة بالبيت
المقادير:
- هنحتاج اى نوع سمك تحبوه بلطي او بوري او حتى السمك اللى شبه السردين بس اكبر منه، كمية السمك حسب عدد الافراد
- ربع كيلو ردة مش هنستخدمها كلها لان وزنها خفيف جدا
- دقة السمك أو التتبيلة هنرشها عليه بعد ما يطلع
- راس ثوم مقشرة
- 2 فلفل اخضر حار او بارد
- ملعقة كبيرة كمون
- ملعقة كبيرة كسبرة ناشفة
- ملعقة صغيرة شطة اختيارى
- عصير 2 ليمونة
- ملح
- 2 طماطم مغسولة
- 2 ملعقة كبيرة زيت
- رشة بقدونس وحلقات لمون للتقديم
طريقة عمل السمك المشوي:
1. ننظف السمك كويس ونفتح الخياشيم بايدنا وننضفها بالمية كويس
2. في ناس بتحب تنضف البطن وتحشيه بصل وثوم وفلفل وكمون وملح زى ما تحبو او تسيبوه مقفول.
3. بعد ما غسلنا السمك بنعصر عليه لمونة ونضعه فى الردة نغلفه بيها كويس اوى
4. نحضر شواية اى نوع فى ناس زمان كانو بيشو على صينية خفيفة قبل الشواية اللى عندك ينفع نسخن الشواية كويس اوى اوى ونرش رشة ملح خشن عليها هيساعد ان السمك لا يلتصق متنسوش لازم الشواية تكون سخنة جدا
5. نضع السمك اللى تبلناه بالردة نرص على اد حجم الشواية ويفضل الا يلتصق ببعضه لسهولة تقليبه.
6. طبعا هنستنى حوالى دقيقتين قبل ما نخلى النار متوسطة يعنى لازم اول دقيقتين النار تبقى عالية والشواية سخنة عشان السمك ياخد صدمة الشوى على نار عالية
7. لو سمك بورى او سمك بلطي كبير هنخلى بالنا عشان يستوى كويس من جوة اننا نهدى النار الى متوسطة بعد اول دقيقتين اول ما نلاقى الوجه اصبح لونه غامق نقلبه على الوجه الاخر
8. لو سمك بورىي كبير هنهدى النار بعد اول دقيقتين خالص عشان السمك الكبير بياخد وقت ونضغط عليه من وقت للتانى بالملعقة عشان ينزل السوائل ويستوى بالنسبة للسمك البورى الكبير
9. ونتركه يتشوى براحته وممكن نفتح واحد قبل ان نشيلها من الشواية عشان نعرف استوت ولا لاء ونعرف مدة السوا اد ايه لانها يختلف من شواية لاخرى
طريقة عمل الدقة للسمك:
فى الخلاط هنخلط الطماطم والتوم والكمون والفلفل والشطة والكسبرة والملح حسب الرغبة وعصير الليمون و2ملعقة كبيرة زيت كله المقادير مع بعض ونزود 2كوب ماء ونخلط كويس وندوق طعمها محتاجة ملح لو محتاجة نزود لو طلعت حادقة زودي ميه ونسكبه فى صينية
اول ما يطلع السمك بنضعه بخلطة الماء او ننتظر للاخر لما نخلص شوى كل السمك ونرش المية بالدقة دى عليه ونتركها عليه حوالى 7دقائق سم نصفيها ونقدمه باطباق مع تزينه بالبقدونس والليمون
والف هنا
