طريقة عمل اكسسوارات للاطفال ،اختراع بجد لو لسه ماجربتوش اكيد مش هاتبطلو تعملوه ، عارفين الاشكال البلاستيك اللي بنعبل بيها اكسسوارات بتتباع في محلات لعب الاطفال ، ممكن نسيحها و نعمل اشكال لا نهائية بالوان روعة و خصوصا البنات هاتحبها اوي إليكم طريقة لعمل اكسسوارات الاطفال بشكل مميز .
طريقة عمل اكسسوارات للاطفال بالصور
الطريقة:
1. نسخن الفرن الاول على درجة حرارة 220 درجة
2. اثناء ما الفرن بيسخن نرص الاشكال على ورقة خبز (ورقة زبدة) و استمتعو بخلط الالوان مع بعض زي الصورة كده
3. الازهار بتاخد حوالي 10 دقائق اما الحلقان الفردي بتاخد 8-10 دقائق
ملحوظة هامة جدا:
لما هايسيح هايعمل ريحة قوية يفضل عدم وجود اطفال داخل المطبخ و حتى الكبار المفروض مايشموش الريحة حاولو تخرجو في البلكونة لحد ما الوقت يعدي و حتى لما وقت التبريد يعدي ماتقفش جنبها عشان الريحة مضرة
4. هنا سيحنا قطع منفردة
5. بعد ما ساحت و كمان بردت نقدر نستخدمها في اشكال و الوان جميلة جدا
6. دي توك للشعر
7. دي لفواصل الكتب
و هنا ممكن نلزقهم بلاصق قوي عشان مش يفكو و نعمل دبابيس كمان
و كمان خواتم للبنات
و كمان للهدايا و نزين بيها الكروت
يارب تعجبكم و تستمتعو بيها مع اولادكم
fekra gamila fe3lan