براونيز دايت بكريمة الجبن

لكل من يتبعون نظام غذائي لتقليل الوزن، مش هتتحرمي من الحلويات نقدم لكم طريقة عمل براونيز دايت بكريمة الجبن قليل الدسم بطريقة سهلة وبسيطة .

براونيز دايت بكريمة الجبن

مقادير براونيز دايت بكريمة الجبن:

• – ½ كوباية زبدة طرية.
• – 1 ½ كوباية سكر.
• – 1 معلقة صغيرة فانيليا.
• – 2 بياض بيضة كبيرة.
• – 1 بيضة كبيرة.
• – 2/3 كوب كاكاو غير محلى.
• – ½ كوباية لبن خالي من الدسم.
• – 1 ½ كوباية دقيق.
• – ½ معلقة صغيرة بيكنج بودر.
• – ¼ معلقة صغيرة ملح.

للتزيين:

• – كوباية جبنة كريمي قلية الدسم “ممكن نستخدم فيلادلفيا لايت”.
• – 1 معلقة كبيرة نشا.
• – معلقة صغيرة فانيليا.
• – كوباية لبن مكثف خالي من الدسم.
• – بيضة كبيرة.

طريقة عمل براونيز دايت بكريمة الجبن:

1. – حطي الزبدة في طبق واضربيها بالمضرب الكهربائي على سرعة متوسطة لحد ما تلاقيها بقت خفيفة معاكي
2. – ضيفي لها السكر والفانيليا واضربيهم مع بعض كويس لمدة 5 دقايق تقريبا
3. – ضيفي البيض وبياض البيض واضربيهم تاني وبعدين ضيفي الكاكاو واللبن واضربي الخليط بعد كل اضافة
4. – اخلطي الدقيق مع البيكنج بودر والملح وضيفيه على خليط الكاكاو واضربيهم على سرعة منخفضة لحد ما كل المكونات تندمج كويس وصبي الخليط في صينية الفرن.

طريقة التزيين:

1. – حطي الجبنة في طبق اضربيها بالمضرب الكهربائي على سرعة متوسطة لحد ما تبقى ناعمة
2. – ضيفي لها بالتدريج النشا وباقي المكونات واضربيهم مع بعض كويس لحد ما يبقى الخليط كريمي ناعم
3. – وزعيه بالتساوي على العجين من فوق وحطيه في الفرن على 350 درجة لمدة 35 دقيقة او لحد ما تستوي.
4. – نسبة الدهون في القطعة: 4.2 جرام.