عجينة متعددة الاستخدامات رائعة للحلو والحادق

عجينة متعددة الاستخدامات رائعة للحلو و الحادق من مطبخ الشيف لطيفة .، ممكن نعمل منها بيتزا او كرواسون بالجبنة وممكن نعمل كمان صنف حلو بنفس العجينة (المخدات المقلية) طعم عمركم ما هاتنسوه

عجينة متعددة الاستخدامات رائعة للحلو والحادق

المقادير:

معلقتين طعام خميرة فورية

معلقة ونص طعام سكر

ومعلقتين طعام لبن بودرة

3كوبايات دقيق منخول

كوباية ماية دافية

ربع ملعقة صغيرة ملح

ومعلقة طعام مليانة شورتنج او سمنة الحلويات (ممكن تستبدليها بالسمنة البلدي او الزبدة الصفرة)

صور من استخداماتها:

1- طبق المعجنات (باتية جبنة وبيتزا)

2- وهنا جربت أقليها وده الطبق

خطوات عمل العجينة :

هانستخدم محضرة الطعام

 

حنحط الماية الدافية – اللبن البودرة – الخميرة – السكر في محضرة الطعام بالصورة دي (ضيفي بس ثلاثة أرباع الماية علشان نوع الدقيق بيختلف من مكان للتاني)

وحنضيف معلقة الشورتنج وحنخفق كويس جداً لمدة دقيقتين

بعد كدة حنضيف الدقيق كلو والملح ونعجن

نعجن لحوالي عشر دقايق وزي ماقلت ما نضفيش كل الماية بسبب اختلاف نوع الدقيق المستخدم.ضيفي بس ثلاث ارباع الكوباية زي ماقلت ولما تعجني زودي لو احتجتي وده شكل العيجينة بعد حوالي 5 دقايق

كده تمام العجينة لمت كويس جداً وبقت متجانسة جداً ..

بصو ده شكل العجينة يا جماعة بتلزق لكن متجانسة جداً  . لكن في نفس الوقت بتطلع بسهولة . وده هو القوام المطلوب لأي نوع عجين حتى عجينة العشر دقايق بلفها علشان تبقى زي الكورة .

وحبدأ أشتغل بيها على طول بعد كدة أسبيها تخمر لسببين علشان لما اجي اخبزها تبقى هشة جداً وتاني حاجة علشان الشكل يبقى مرتب أكتر . لكن ممكن تسبيها تخمر بعد كدة تشتغلي بيها لكن الخيار الأول بيدي نتيجة أروع في النهاية .

 

العجنية جاهزة عندك دلوقتي ممكن تعملي بيه الي انتي عيزاه . اناعملت حاجتين نوع مالح وهما(الباتية والبيتزا) ونوع حلو هو (المخدات المقلية) فقطعت العجينة نصي بالشكل ده

 

باتية الجبنة  و الميني بيتزا

أخدت واحدة من الحتيتن ورجعت قسمتها على 2 علشان الباتية و البيتزا.

هنا بفرد واحدة منهم علشان اعمل الكروسون وبقطع بإستخدم سكين او عجلة البيتزا الدائرة لمثلثات

وحشتيهم بجبنة شييدر وجبنة كيري ولفيتهم ورصيتهم في صواني مدهونة بشوية زيت وسبتهم يخمرو شوية وبعد كدة حدهنهم بصفار بيض

والحتة التانية فردتها وقطعتها دواير للبيتزا .

 

وانتو عارفين الباقي . دهنتهم بالكاتشب وصلصلة البتيزا وحطيت عليها المكونات الخاصة بالتيزا (طماطم-زيتون-فلفل رومي-جبنة موزاريلا)أسيبكم مع الصور

الصور النهائية لطبق للبيتزا والباتية .

علشان المعجنات تبقى هشة وطرية جداً محتاجين لحاجيتن :

1-بعد حشو وتشكيل المعجنات يتم تركها حتى تتضاعف مجددً.
2- الخبز الصحيح للمعجنات .

طريقة الخبز الصحيحة للمعجنات بشكل عام :

1-يتم تسخين الفرن (من تحت بس) على اعلى حرارة بين 190-200 لمدة خمس دقايق
2-توضع الصواني في الرف الأسفل من الفرن وتترك لمدة 4-5دقايق وينشقر عليها .
3-بعد كدة يتم تحمير وش المعجنات.

المخدات المقلية :

نيجي للقسم المعسل من العجينة ما احنا لازم نحلي سعيدة قوي . طبعاً بما انها عجينة جديدة أول مرة أجبرها لازم أعمل كذا نوع مختلف منها علشان أشوف هل تنفع لكل حاجة يعني دوناتس والحاجات المقلية ومعجنات ولا .

حتة العجين الباقية فردتها بالصورة دي وقطعتها بقطاعات صغيرة . ورصيتهم في صينية مرشوشة بالدقيق وسبتهم نص ساعة يخمر تاني

ورصيتهم في صينية مرشوشة بالدقيق وسبتهم نص ساعة يخمر تاني

 

هنا بعد ما خمرو وحجم تضاعف

 

 

حنقلي يا جماعة

نجهز شربات بارد ونصبة في طبق غويط

حنقلي المخدات في زيت متوسط الحرارة مش سخن ولاحظو حتحمر على طول مش حتاخذ وقت بس في نفس الوقت حتبى مستوي من جوة وهشة علشان رجعنا خمرناها تاني قبل ما نقليها

حنقلي المخدات في زيت متوسط الحرارة مش سخن ولاحظو حتحمر على طول مش حتاخذ وقت بس في نفس الوقت حتبى مستوي من جوة وهشة علشان رجعنا خمرناها تاني قبل ما نقليها

وكدة اول ماخرجتهم وحطتهم في الشربات البارد

وقلبتهم وستبهم دقيقتين تلاتة لحد ما شربو الشربات كويس وده بقى شكلهم

حاولو يا جماعة ما تقلوهاش لمدة طويلة علشان يبقى لونها دهبي وردي كدة جميل، نرصهم في طبق بشكل جميل كدة.

 

وبعد كدة رشيت عليهم شوية فسدق مطحون بيديها طعم جميل وشكل اجمل أسيبكم مع الصور النهائي من جميع الزوايا

 

بتمنى العجينة المتواضعة تكون حازت على إعجابكم .