طريقة عمل الطحينة الخام بتكلفة بسيطة بالصور والخطوات

طبعا احنا بنشترى الطحينة الكيلو ب 30 ج او 40 ج وكمان بتبقى مش عارفين معمولة ازاى طب ما نعملها فى البيت بربع التكلفة تقريبا هتدينا كمية حوالى نصف كيلو ومش هتتكلف غير 8 جنيه بس او اقل هقدم لكم طريقة عمل الطحينة الخام بتكلفة بسيطة بالصور والخطوات

طريقة عمل الطحينة الخام بالصور

المقادير :

كوب سمسم ابيض

*(حوالى 4 جنيه او اقل )

نصف كوب دقيق ابيض

*( اقل من 1جنيه )

نصف كوب زيت نباتى

*( 2 جنيه تقريبا )

طريقة عمل الطحينة:

ينقى السمسم جيدا

ثم يطحن فى المطحنة جيدا

حتى نحصل على قوام ناعم بعض الشىء

يضاف اليه الدقيق ويطحن حتى يكون ناعم

يضاف الزيت بالتدريج والمطحنة شغالة ويطحن جيدا حتى نضيف كل الكمية

اذا اردتيها خفيفة زودى قليل من الزيت و شغلى المطحنة او الخلاط حتى الحصول على القوام الموغوب وممنوع اضافة الماء

ثم تعبأ فى علبة او برطمان وتوضع فى الثلاجة للاستعمال

يمكن استعمالها على الفول والسلطات المفضلة اليكم وعمل منها اشهى الاطباق والمقبلات

ملحوظة:

يمكن استبدال السمسم بالسوداني وطحنه جيدا طعم الطحينة هيكون روووووعة

سلطة الطحينة زى المطاعم

المقادير:

نصف كوب طحينة
2 ملعقة خل
ملعقة عصير ليمون
ملعقة بهارات سلطة طحينة ( من العطار )
ملح
ربع ملعقة توم بودر
2 ملعقة ماء دافىء او اكثر كل ما نزود الماء الدافىء تتماسك

الطريقة:

نضيف جميع المقادير الى الخلاط  ماعدا الماء ونخلطه دقيقة ثم نضيف الماء الدافىء بالتدريج

حتى نحصل على القوام المطلوب يمكن ان نصنعها بدون خلاط عن طريق وضعها فى اناء واستعمال المضرب اليدوى لخلط المقادير واضافة الماء الدافىء بالتدريج مع الضرب باليد

وتقدم مع اللحم المشوي و الدجاج المشوي والف هنا ودى الصور الخطوات